Jizzax viloyatining Zomin tumani, “Duoba” MFY, “Yettikechuv” QFYning yuqorisida joylashgan tog‘ va adirliklarida kuzatilgan jala natijasida 10-iyun soat 17:20 da sel oqimlari oqib o‘tgan. Bu haqda “O‘zgidromet” xabar berdi.
Hozircha hech qanday talafot kuzatilmagan.
Shuningdek, soat 17:10 da “Taraqqiyot” MFY, “Hulkar” QFYga ham sel kelgan. Sel avtomobil yo‘liga tosh va shag‘allarni chiqarib tashlagan.
Shu bilan birga, soat 17:30 larda “Turkman” MFYdan o‘tuvchi Turkmansoyning yuqorisida joylashgan tog‘ va adirliklarda kuzatilgan jala yomg‘ir natijasida sel oqimlari oqib oʼtgan.
Ushbu hodisa oqibatida talofatlar yoʼq.
O‘zbekiston hududiga 6—7-iyun kunlari nisbatan salqin va nam havo massalari kirib kelishi boshlangandi. Prognozlarga ko‘ra, ish haftasi davomida ham O‘zbekiston hududi bo‘yicha nisbatan nam havo massasi sirkulyatsiyasi davom etadi. 16-iyungacha tog‘oldi va tog‘li hududlarda sel xavfi e’lon qilingan.
May oyi oxirida ham Zomin tumanining ayrim hududlariga sel kelgan edi.
Izoh (0)