Madridning “Real” klubi bosh murabbiyi Xabi Alonso futbolchi Rodrigo Goesning kelajagi yuzasidan berilgan savollarga izoh berdi. Avvalroq braziliyalik futbolchi yozda “qaymoqranglilar” safini tark etishi mumkinligi haqida xabarlar tarqalgan edi.
Yozda har xil mish-mishlar chiqaveradi. Rodrigo bilan hammasi yaxshi. Men barcha futbolchilarimga ishonaman. Ularning maydonda 100 foiz kuch bilan harakat qilishini xohlayman. Hozir meni o‘ylantirayotgan yagona narsa ham shu, — dedi Alonso AS nashriga.
Eslatib o‘tamiz, avvalroq Rodrigoga “Manchester Siti” jiddiy qiziqayotgani va unga 5 yillik shartnoma taklif qilishga tayyor ekani haqida ma’lumotlar tarqalgan edi. Shuningdek, agar futbolchi “Real”ni tark etsa, faqat “Liverpul”ga o‘tishga rozi bo‘lishi mumkinligi ham aytilgan.
Izoh (0)