“Manchester Yunayted”ning sobiq bosh murabbiyi, afsonaviy mutaxassis Ser Aleks Fergyuson Lionel Messi haqida fikr bildirdi. Unga ko‘ra, sakkiz karra “Oltin to‘p” sohibi qaysi davrda futbol o‘ynamasin, baribir eng zo‘r futbolchilar safida bo‘lardi.
Agar Messi 1950-yillarda to‘p surganida nima bo‘lardi? U o‘sha davrda ham aynan bugungidek o‘ynagan bo‘lardi. Xuddi shu fikrni Alfredo Di Stefano, Pele, Diego Maradona va Yoxan Kroyf haqida ham aytish mumkin. Chunki ularning barchasi buyuk futbolchilar. Albatta, Lionel Messi ham shu toifaga kiradi, — dedi Fergyuson Give Me Sport nashriga bergan intervyusida.
Ma’lumot o‘rnida, Lionel Messi 2023-yildan beri AQSHning “Inter Mayami” klubi safida to‘p surmoqda. Bungacha u “Barselona” va “PSJ” klublari sharafini ham himoya qilgan.
- Joriy mavsumda Messi “Inter Mayami” safida jami 32 ta o‘yinda maydonga tushib, 25 ta gol va 11 ta golli uzatmaga mualliflik qilgan.
- Uning klub bilan shartnomasi 2025-yil dekabr oyi oxiriga qadar amal qiladi.
- Transfermarkt portalining ma’lumotiga ko‘ra, argentinalik hujumchinin qiymgati 18 million yevroga baholanmoqda.
Izoh (0)