AQSHning Kolorado shtatida Tommi ismli xizmat iti egasining hayotini saqlab qoldi. Bu haqda Oddity Central xabar bermoqda.
Ma’lum bo‘lishicha, 54 yoshli faxriy Xenk Fordning labradori xo‘jayinining sog‘lig‘ida jiddiy muammolar borligini erkakning o‘zi xavf ostida ekanligini tushunmasidan oldin sezgan. Odatda it egasiga kechgacha uxlashga imkon berardi, ammo o‘sha kuni u g‘alati xatti-harakat qilgan. Egasini burni va panjalarni bilan turtib, hatto ustiga sakray boshlagan. Erkak it tashqariga chiqmoqchi bo‘lsa kerak deb o‘ylagan, lekin o‘rnidan turgach, o‘zini yomon his qilib, boshi aylanib, holsizlangan.
Xenk uni qo‘yib yuborish uchun eshikni ochganida, it joyidan qimirlamagan. Oxir-oqibat Ford tomir urishini tonometr yordamida tekshirgan va yuragining daqiqasiga 171 marta urishidan hayratga tushgan. U mahalliy faxriylar shifoxonasiga qo‘ng‘iroq qilganda, u yerda qurilma noto‘g‘ri ishlayotgan bo‘lishi mumkin deb taxmin qilishgan. Shifokorlarning shubhalariga qaramay, erkak hayvonning sezgisiga ishonib, kasalxonaga o‘zi borgan. Klinikada unga insultga olib kelishi mumkin bo‘lgan yurak ritmining buzilishi — titroq aritmiya tashxisi qo‘yilgan.
“Yaxshiyamki, Tommi meni uyg‘otdi. U ilgari hech qachon bunday qilmagan va keyinchalik ham qilmadi”, deydi Xenk.
Kasalxonadagi voqeadan so‘ng erkakning ahvoli barqarorlashgach, uning rafiqasi Tommini egasini ko‘rgani olib kelgan. Uy hayvoni kasalxona karavotiga sakrab chiqqan va bir necha soat uning yonida yotgan.
“U shunchaki eng yaxshi do‘st emas, u undan ham ko‘proq”, deydi Xenk.
Iyun oyida Hindistonning Haydarobod shahrida joylashgan Harvesting Robotics nomli texnologik startap retriver zotli itni ishga olingandi. Hozirda oltin tusli kuchukcha “baxt direktori” lavozimida faoliyat yuritmoqda.
Fevral oyida Istanbulda daydi it jon berayotgan bolasini Beylikduzyu tumanida joylashgan veterinariya klinikasi eshigiga olib kelgandi.
Izoh (0)