АҚШнинг Колорадо штатида Томми исмли хизмат ити эгасининг ҳаётини сақлаб қолди. Бу ҳақда Oddity Central хабар бермоқда.
Маълум бўлишича, 54 ёшли фахрий Хенк Форднинг лабрадори хўжайинининг соғлиғида жиддий муаммолар борлигини эркакнинг ўзи хавф остида эканлигини тушунмасидан олдин сезган. Одатда ит эгасига кечгача ухлашга имкон берарди, аммо ўша куни у ғалати хатти-ҳаракат қилган. Эгасини бурни ва панжаларни билан туртиб, ҳатто устига сакрай бошлаган. Эркак ит ташқарига чиқмоқчи бўлса керак деб ўйлаган, лекин ўрнидан тургач, ўзини ёмон ҳис қилиб, боши айланиб, ҳолсизланган.
Хенк уни қўйиб юбориш учун эшикни очганида, ит жойидан қимирламаган. Охир-оқибат Форд томир уришини тонометр ёрдамида текширган ва юрагининг дақиқасига 171 марта уришидан ҳайратга тушган. У маҳаллий фахрийлар шифохонасига қўнғироқ қилганда, у ерда қурилма нотўғри ишлаётган бўлиши мумкин деб тахмин қилишган. Шифокорларнинг шубҳаларига қарамай, эркак ҳайвоннинг сезгисига ишониб, касалхонага ўзи борган. Клиникада унга инсультга олиб келиши мумкин бўлган юрак ритмининг бузилиши — титроқ аритмия ташхиси қўйилган.
“Яхшиямки, Томми мени уйғотди. У илгари ҳеч қачон бундай қилмаган ва кейинчалик ҳам қилмади”, дейди Хенк.
Касалхонадаги воқеадан сўнг эркакнинг аҳволи барқарорлашгач, унинг рафиқаси Томмини эгасини кўргани олиб келган. Уй ҳайвони касалхона каравотига сакраб чиққан ва бир неча соат унинг ёнида ётган.
“У шунчаки энг яхши дўст эмас, у ундан ҳам кўпроқ”, дейди Хенк.
Июнь ойида Ҳиндистоннинг Ҳайдаробод шаҳрида жойлашган Ҳарвестинг Роботиcс номли технологик стартап ретривер зотли итни ишга олинганди. Ҳозирда олтин тусли кучукча “бахт директори” лавозимида фаолият юритмоқда.
Февраль ойида Истанбулда дайди ит жон бераётган боласини Бэйликдузю туманида жойлашган ветеринария клиникаси эшигига олиб келганди.
Изоҳ (0)