Istanbulda daydi it jon berayotgan bolasini Beylikduzyu tumanida joylashgan veterinariya klinikasi eshigiga olib keldi. Bu haqda Turknws xabar berdi.
Ularni navbatchi sanitar payqagan va kuchukchani davolashga kirishgan. Ahvoli og‘ir va yurak urishi sekinlashgan it bolasi intensiv terapiya bo‘limiga yotqizilgan. Onasi esa butun davolanish davomida bolasidan nari ketmagan.
Klinika egasi, veterinar Batualp Oganga ko‘ra, ona it bir muncha vaqt oldin tug‘gan, ammo deyarli barcha bolalari nobud bo‘lgan.
“Biz ularning barchasi halok bo‘lgan deb o‘ylagandik. Ma’lum bo‘lishicha, uning yana bir tirik akasi bor ekan (uni ko‘ngillilar olib kelgan). Ona it so‘nggi kuchukchasini olib kelib, eshik oldiga qo‘ygan. Shifokorimiz buni payqagach, kuchukchani ichkariga olib kirgan.
Kuchukchaning yuragi urayotganini sezdik. Uni intensiv terapiya bo‘limiga joylashtirdik. Ayni paytda u akasi bilan birga davolanishni davom ettirmoqda. Xudoga shukur, ahvoli yaxshi. U ham onasi bilan birga”, dedi u.
Itning klinikaga kelgani aks etgan video kuzatuv kameralariga muhrlangan:
-sWu1p9Rl.jpg)
Izoh (1)
Dunyoda ayrim onalar shu itchalik emas afsus