Ijtimoiy tarmoqlarda Andijon viloyatida ayol boshqa bir ayolga nisbatan zo‘ravonlik ishlatayotgani holati aks etgan videotasvirlar tarqalib, jamoatchilik eʼtiroziga sabab bo‘lmoqda. Holat yuzasidan vioyat IIB maʼlumot berdi.

Unda aytilishicha, holat 2024-yilning 15-dekabr kuni Andijon shahri, "Hunarmand" mahallasida joylashgan kiyim savdosi bilan shug‘ullanuvchi do‘kon egasi, 1992-yilda tug‘ilgan fuqaro A.P. qo‘l ostida sotuvchi bo‘lib ishlovchi 2005-yilda tug‘ilgan fuqaro S.S. o‘rtasida sodir bo‘lgan.
O‘zaro qarz oldi-berdi masalasi ortidan do‘kon egasi sotuvchi qizga nisbatan tazyiq va zo‘ravonlik kabi xatti-harakatlarni sodir etgan. Jabrlanuvchi unga nisbatan bo‘lgan tazyiq va zo‘ravonlik holati yuzasidan ilgari ichki ishlar organlariga yoki yaqinlariga xabar bermagan.
Hozirda voqea ishtirokchilarining barchasini shaxsiga aniqlik kiritilgan bo‘lib, holat yuzasidan tergovga qadar tekshiruv harakatlari olib borilmoqda.
Past Darg‘om tumanidagi maktab o‘quvchisi 30 yoshli erkak tomonidan “samosud” qilingan. Bundan tashqari, Payariq tumanidagi 58-umumiy o‘rta taʼlim maktabida o‘quvchi qiz sinfdoshi tomonidan “samosud” qilingan.
Bulung‘ur tumanida esa ikkita maktabning o‘quvchi qizlari o‘zaro mushtlashishgan edi.
Ishtixon tumanida esa 10-sinf qiz yigit talashib o‘zidan uch yosh kichik qizni kaltaklagan edi.
Izoh (0)