Ijtimoiy tarmoqlarda Surxondaryo viloyatidagi bozorda o‘z ayolining ko‘z o‘ngida erkakni 5 kishi pichoq bilan pichoqlab o‘ldirgani aytilgan xabarlar tarqaldi. Viloyat Prokuraturasi holat yuzasidan ma’lumot berdi.
Unda aytilishicha, Sho‘rchi tumanida sodir bo‘lgan holat bo‘yicha Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atildi. Jinoyat ishi doirasida 2 nafar shaxsga nisbatan qamoqqa olish ehtiyot chorasi qo‘llanilgan.
Ayolning so‘zlariga ko‘ra, turmush o‘rtog‘ini o‘ldirgan shaxslar begona emas. Ular bir necha bor mazkur oilaga o‘ldirish bilan tahdid qilib kelgan.
Tergov harakatlari davom etmoqda. Jinoyat ishining tergovi viloyat prokuraturasi tomonidan nazoratga olingan.
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
Izoh (0)