Merilin Monroning pasport uchun surati auksionda 21 ming dollardan qimmatroqqa sotildi, deb yozadi New York Post. Surat 1954-yilda, amerikalik kinoaktrisaning beysbolchi Jo Di Majo bilan to‘yidan bir necha hafta o‘tgach olingan.
Er-xotin asal oyini o‘tkazish uchun Yaponiyaga sayohat qilmoqchi edi, ammo 27 yoshli Monro, hujjatlar uchun kerakli fotosuratga ega emasdi. Di Majo vaziyatdan chiqishga harakat qildi va “Jentlmenlar mallasoch qizlarni afzal ko‘rishadi” filmi yulduzining surati bilan yaqin oradagi o‘yin avtomatlari zaliga bordi hamda suratdan bir nechta nusxa ko‘chirdi. 5,7x6,9 santimetr o‘lchamdagi vintaj fotosurat Monroning pasportiga tushmagan. Lekin suratda uning pasport xizmati xodimiga qoldirgan dastxati bor: “Janob Bolsga rahmat va mening eng samimiy tilaklarim, Merilin Monro Di Majo”.
To‘ydan to‘qqiz oy o‘tgach, Merilin va Jo Di Majo ajrashishdi. Beysbolchi kino yulduzining uchta eridan ikkinchisiga aylandi.
Izoh (0)