Мерилин Монронинг паспорт учун сурати аукционда 21 минг доллардан қимматроққа сотилди, деб ёзади New York Post. Сурат 1954 йилда, америкалик киноактрисанинг бейсболчи Жо Ди Мажо билан тўйидан бир неча ҳафта ўтгач олинган.
Эр-хотин асал ойини ўтказиш учун Японияга саёҳат қилмоқчи эди, аммо 27 ёшли Монро, ҳужжатлар учун керакли фотосуратга эга эмасди. Ди Мажо вазиятдан чиқишга ҳаракат қилди ва “Жентлменлар малласоч қизларни афзал кўришади” фильми юлдузининг сурати билан яқин орадаги ўйин автоматлари залига борди ҳамда суратдан бир нечта нусха кўчирди. 5,7х6,9 сантиметр ўлчамдаги винтаж фотосурат Монронинг паспортига тушмаган. Лекин суратда унинг паспорт хизмати ходимига қолдирган дастхати бор: “Жаноб Болсга раҳмат ва менинг энг самимий тилакларим, Мерилин Монро Ди Мажо”.
Тўйдан тўққиз ой ўтгач, Мерилин ва Жо Ди Мажо ажрашишди. Бейсболчи кино юлдузининг учта эридан иккинчисига айланди.
Изоҳ (0)