Prezidentning Qashqadaryoga tashrifi, xonanda Shoira Otabekova avtohalokatga uchrashi, shamol yo‘nalishining o‘zgarishi sababli bir nechta samolyotlar Toshkentga qo‘na olmagani, Qirg‘izistonda sodir bo‘lgan zilzila O‘zbekistonda sezilishi — “Daryo” nashri 19-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Nukusda yuzdan ortiq o‘qituvchidan pora olgan maktab direktori o‘rinbosari ushlandi
Bu qilmishga aloqador yana ikki kishiga jinoyat ishi qo‘zg‘atildi.
O‘zbekistonda soliq huquqbuzarliklari haqida xabar berganlarga 14,5 mlrd so‘m mukofot to‘landi
2025-yilning iyunigacha bunday huquqbuzarliklar haqida 45 mingdan ortiq murojaat kelib tushgan.
Raqobat qo‘mitasi aldamchi konsalting firmalaridan ogohlantirdi
Xorijda o‘qish va ishlash niyatida bo‘lgan fuqarolar har qanday “o‘rtakash” firmalar aldovlariga ishonmaslikka chaqirildi.
Shavkat Mirziyoyev Qashqadaryoga keldi
Prezident tashrifni Qarshidagi elektrotexnika korxonasi bilan tanishuvdan boshladi.
Magnum supermarketlar tarmog‘i O‘zbekistonni tark etmoqda
Qator supermarketlar allaqachon yopilgan, qolganlarida oxirgi tovarlar sotib tugatilmoqda.
Prezident Qarshidan Shahrisabzga poyezdda bordi (foto)
Safar davomida qashqadaryolik faollar bilan shahar va qishloqlardagi o‘zgarishlar, aholi hayoti haqida gaplashdi.
“Qancha mablag‘ kerak bo‘lsa, topamiz”: prezident Shahrisabzdagi innovatsion klinikani boshqa hududlarda ham tashkil etish haqida
U yuqori texnologiyali kardiojarrohlik amaliyotlarini o‘tkazish imkoniyatiga ega klinika bo‘lib, rossiyalik tadbirkor bilan hamkorlikda tashkil etilgan.
“Xalqimizning xarid qobiliyati, bozor madaniyati oshyapti” — prezident
Shavkat Mirziyoyev Yakkabog‘da barpo etilgan “Yangi O‘zbekiston” massivi va “Ekobozor”ni borib ko‘rdi.
Attestatsiyadagi qing‘irliklar: 200 dan ortiq nomzodlar sinovlardan chetlashtirilgan
Vazirlik Qoraqalpog‘istonda ta’lim sohasida poraxo‘rlik ortidan uch kishiga jinoyat ishi qo‘zg‘atilganiga munosabat bildirdi.
Xonanda Shoira Otabekova avtohalokatga uchradi (video)
Viloyat IIB holat yuzasidan maʼlumot berdi.
Shamol yo‘nalishining o‘zgarishi sababli bir nechta samolyotlar Toshkentga qo‘na olmadi
Hozirda Toshkent aeroportida havo kemalarini qabul qilish va jo‘natish bo‘yicha cheklovlar bekor qilingan.
Qirg‘izistonda sodir bo‘lgan zilzila O‘zbekistonda sezildi
Zilzilaning episentrda sezilish kuchi — 3 ball.
Toshkentda ikkinchi xotinining 11 yashar qizini zo‘rlab kelgan blogerga hukm o‘qildi
U qonuniy xotini bo‘la turib, boshqa bir erkak bilan rasmiy nikohi bekor qilinmagan ayolni o‘ziga ikkinchi xotin qilib olgan.
Farg‘onada qaynuka pochchasini ketmon bilan o‘ldirdi
Hodisa sababi va unga nisbatan sud hukmi ma’lum qilindi.
“Xizmatlar taklif qilish, bu yerning tabiati va sharoitini chet ellarda keng targ‘ib etish kerak” — Shavkat Mirziyoyev
Prezident Shahrisabzdagi “Miraki” xalqaro turizm markaziga tashrif buyurdi.
Buxorodagi bog‘chada uch yoshli bola tok urishidan vafot etdi
Jinoyat ishi sud muhokamasiga yuborildi.
Shavkat Mirziyoyev “Hisorak”da 1,5 mln dollarga qurilgan kichik GESni ko‘zdan kechirdi
Bu yerda ishlab chiqariladigan elektr energiya 7 ming 300 ta xonadonga yetadi.
Markaziy bank may oyida 13 ta bankka jarima sanksiyasi qo‘lladi
Qonunchilik talablariga rioya qilinmagan taqdirda 17 ta tijorat banki chora va sanksiyalar qo‘llanilishi to‘g‘risida ogohlantirilgan.
“Cho‘l-adirlarni o‘zlashtirishimizga shubha qilganlar shu bog‘ni kelib ko‘rsin” – prezident Shahrisabzdagi agroturizm majmuasini borib ko‘rdi
Davlat rahbari sug‘orishni tashkil etib, bog‘larni aholiga bo‘lib berish, odamlarga daromad manbai yaratish bo‘yicha topshiriqlar berdi.
Izoh (0)