Buyuk Britaniyada yig‘ilib qolgan stresslarga qarshi kurashishning noodatiy usuli taklif etildi. Destruktiv terapiya sifatida istalgan odam avtomobil chiqindixonasiga borib, ov miltig‘i yoki haqiqiy jangovor tank yordamida bu yerdagi pachoq avtomobillardan birini yakson qilishi mumkin, deb xabar beradi Motor.
Destruktiv terapiyada so‘nggi bir necha yillardan buyon megapolislar aholisi orasida stressga qarshi kurash sifatida ommalashmoqda. Ko‘plab davlatlarda istalgan odam tashrif buyurishi va maxsus biror nimani buzib, o‘zining yig‘ilib qolgan g‘azabini chiqarib yuborishi mumkin bo‘lgan maskanlar qurilgan. U yerda nafaqat interyerdagi biror predmetni, balki butun kvartiralarni ham yakson qilsa bo‘ladi — barchasi mijozning talabiga ko‘ra.
Britaniyaliklar esa stressga qarshi terapiya sifatida keraksiz avtomobillarni yo‘q qilishdan foydalanmoqda. Ishtirokchilarga qurol sifatida haqiqiy o‘qotar miltiqdan o‘ziga yoqqan avtomobilga otish taklif etiladi.
Dasturning ikkinchi qismida kompaniya mijozlari 56 tonnali tankdan foydalanishi mumkin. Harbiy mashina yordamida bir nechta avtomobillarni bosib o‘tib ketish, bu ham kamlik qilsa, uning yordamida mashinalarga qarata o‘t ochish mumkin.
Izoh (0)