AKFA Medline University Hospital тиббиёт маркази Америка юрак ассоциацияси (American Heart Association, AHA) томонидан расман аккредитациядан ўтди ва халқаро шошилинч ёрдам стандартлари бўйича ваколатли ўқув марказига айланди.
Ушбу мақом AKFA Medline University Hospitalга қуйидаги йўналишлар бўйича AHA сертификатланган курсларини ўтказиш ҳуқуқини беради:
• БЛС (Basic Life Суппорт) — асосий ҳаётий кўмак
• АCЛС (Advanced Cардиовасcулар Life Суппорт) — юқори даражадаги юрак-ўпка реанимацияси
• ПАЛС (Pediatric Advanced Life Суппорт) — болаларга юқори даражадаги ҳаётий кўмак
Ҳар бир курс якунида тингловчилар бутун дунё бўйлаб тиббиёт муассасаларида тан олинадиган халқаро AHA сертификатини қўлга киритадилар.
"Бу биз учун муҳим ютуқ, — дея таъкидлади AKFA Medline University Hospital директори Турсунқулов Азимжон Назиржонович — AHA Training Сите мақомини олиш бизнинг юқори тайёргарлик даражамиз, замонавий ускуналаримиз, малакали мутахассисларимиз ва энг қатъий халқаро стандартларга мувофиқлигимизни тасдиқлайди. Биз Ўзбекистонда шошилинч тиббий ёрдам маданиятини ривожлантиришга ҳисса қўша олишимиздан фахрланамиз."
AHA ҳақида
American Heart Association (AHA) — 1924 йилда АҚШда ташкил этилган етакчи нотижорат ташкилот бўлиб, унинг фаолияти юрак-қон томир касалликлари ва тўсатдан юрак тўхташига қарши курашга қаратилган. AHA биринчи ёрдам кўрсатиш, юрак-ўпка реанимацияси (CPR) ва ҳаёт қутқариш бўйича клиник протоколлар ва таълим дастурларини ишлаб чиқишда жаҳон етакчисидир. AHA курслари 100 дан ортиқ мамлакатларда тан олинган ва тиббиёт ходимларини фавқулодда вазиятларга тайёрлашнинг олтин стандарти ҳисобланади.
Кейинги қадам — қамровни кенгайтириш
AKFA Medline University Hospital AHA сертификатланган курсларининг географик қамровини кенгайтириш, университетлар, клиникалар ва фавқулодда вазиятлар хизматлари билан ҳамкорликни мустаҳкамлаш, шунингдек, ҳудудлардаги мутахассисларни тайёрлаш даражасини оширишни режалаштирмоқда.
Бу курслар кимлар учун мос келади?
Ўқитиш, айниқса, қуйидагиларга фойдали бўлади:
• тиббиёт ходимлари ва тиббиёт олий ўқув юртлари талабалари,
• тез тиббий ёрдам хизмати мутахассислари,
• клиника ва шифохоналар ходимлари,
• чет элда амалиёт ўташни ёки ишга жойлашишни режалаштираётганлар.
"AHA курсларида олинган кўникмалар шунчаки алгоритмларни билиш эмас. Бу ишонч, масъулият ва инсон ҳаётини сақлаб қолишга тайёргарликдир," - дея таъкидлади марказ маъмурияти.
Реклама ҳуқуқи асосида
Изоҳ (0)