Bugun, “Hududiy elektr tarmoqlari” AJ taklifiga asosan “Xitoy Xalq Respublikasining “HOLLEY GROUP” Co.Ltd. Direktorlar kengashi raisi Wan Licheng boshchiligidagi elektrotexnika, energiya tejovchi texnologiyalar, elektr transport vositalarini quvvatlantirish infratuzilmasi, vodorod texnologiyalari, ishlab chiqarishni raqamlashtirish, farmatsevtika va boshqa turdagi ishlab chiqarishda yetakchi bо‘lgan 14 ta yirik ishlab chiqaruvchi korxonalari bilan uchrashuv bо‘lib о‘tdi.
Unda ikki mamlakat о‘rtasidagi har tomonlama manfaatli hamkorlikni yanada kuchaytirish, energetika tizimiga investitsiyalarni jalb qilish hamda yangi loyihalarni hayotga tatbiq etish singari bir qator muhim masalalar muhokama qilindi. О‘zbekiston Respublikasi va Xitoy Xalq Respublikasi о‘rtasida energetika aloqalarini izchil mustahkamlash borasida takliflar bildirildi.
“Hududiy elektr tarmoqlari” AJ Boshqaruv raisi mamlakatimiz investitsion jozibadorligini oshirish, tо‘g‘ridan-tо‘g‘ri xorijiy investitsiyalarni jalb qilish hajmini kо‘paytirish borasida О‘zbekistonda investorlarga qulay investitsion sharoitlar yaratilgani haqida ta’kidlab, bugungi kunda Xitoy Xalq Respublikasi korxonalari jumladan, “HOLLEY GROUP” Co.Ltd. kompaniyasi bilan hisoblagichlarni ishlab chiqarish va jamiyatda joriy etilgan ASKUE tizimida hamkorlikda ishlar olib borilayotgani va kelgusida ishlab chiqarishni yanada kengaytirish orqali transformatorlar, SIP kabellar ishlab chiqarishni joriy etilishi yuzasidan sо‘z yuritdi.
Shuningdek, ikki tomonlama hamkorlikni rivojlantirish maqsadida qulay shart-sharoitlarni yaratish va zamonaviy texnologiyalarni о‘zaro ayirboshlash haqida ham fikr almashdilar.
Uchrashuv yakunida mazkur muloqot ikki mamlakatning energetika sohasidagi hamkorligini yanada rivojlantirishga xizmat qilishi ta’kidlandi.
Sheriklik huquqi asosida
Izoh (0)