DeepSeek sun’iy intellekt startapi mashhurligining keskin o‘sishi Xitoy rasmiylarining e’tiborini tortdi. Ular texnologiyaning sizib chiqishidan qo‘rqib, kompaniyaning asosiy xodimlarining chet elga safarlariga cheklov kiritdi. Bu haqda The Information xabar berdi.
Manbaga ko‘ra, nazoratHigh-Flyer bosh kompaniyasi orqali amalga oshiriladi, u ba’zi mutaxassislarning pasportlarini rasmiy ruxsatsiz Xitoydan tashqariga chiqishiga yo‘l qo‘ymaydi. Bu choralar Xitoy hukumati sun’iy intellekt sohasi vakillariga geosiyosiy raqobat sharoitida milliy xavfsizlik va texnologik sirlarni himoya qilish maqsadida AQShga safardan voz kechishni tavsiya qilganidan so‘ng joriy etildi.
Bundan tashqari, Xitoy hukumati kompaniyaning sarmoyaviy faoliyati ustidan nazoratni kuchaytirgani aytilmoqda. Barcha potensial investorlar DeepSeek’ga sarmoya kiritish imkoniyatiga ega bo‘lishdan oldin davlat organlarining qat’iy tekshiruvidan o‘tadi.
DeepSeek — Xitoyning sun’iy intellekt, shuningdek, katta til modellari oilasiga ixtisoslashgan kompaniyasi. 2024-yil dekabr oyida startap DeepSeek-V3 modelini chiqardi, uning asosiy afzalligi ishlab chiqish xarajatlarining pastligi bo‘ldi. 2025-yil yanvar oyida DeepSeek kompaniyasi yanada takomillashgan model — DeepSeek-R1 ni taqdim etdi, bu esa DeepSeekni tezda butun dunyoga mashhur qildi.
Izoh (0)