18-fevral kuni O‘zbekiston prezidenti “Banklardagi omonatlarni himoya qilish kafolatlari to‘g‘risida”gi qonunni imzoladi

Bu InfinBANK mijozlari uchun nimani anglatadi va xavotirlanishga o’rin bormi?

200 million so‘mgacha bo‘lgan omonatlarning kafolatli himoyasi

Davlat kafolatlari endi har bir bankda 200 million so‘mgacha bo‘lgan summaga tatbiq etiladi. Bu qonun kuchga kirgandan so’ng ochilgan yangi omonatlarga taalluqli. Ilgari joylashtirilgan barcha mablag‘lar, summasidan qat’i nazar, to‘liq hajmda kafolatlanishda davom etadi.

Biznes himoyasi

Endilikda davlat kafolatlari nafaqat jismoniy shaxslarning omonatlarini, balki tadbirkorlarning, shu jumladan yakka tartibdagi tadbirkorlarning depozitlarini ham qamrab oladi.

Mablag‘lar 4 barobar tezroq qaytariladi

Agar ilgari omonatlarni qoplash 83 kungacha cho‘zilgan bo‘lsa, endi bu muddat 20 ish kunigacha qisqartirildi. Kelajakda u 7 ish kunigacha qisqaradi, bu esa omonatlarni himoya qilish tizimini yanada samaraliroq qiladi.

Bu nima uchun muhim?

• InfinBANK omonatchilari xavfsizlikda: Har qanday bank tugatilgan taqdirda, mijozlarning mablag‘lari qisqa muddatlarda qaytariladi.
• Bank tizimi yanada ishonchliroq bo‘ladi: Yangi qonun banklar o‘rtasida teng raqobat sharoitini yaratadi va moliya sektoriga bo‘lgan ishonch darajasini oshiradi.

Agar omonat summasi 200 million so‘mdan oshsa, nima qilish kerak?

InfinBANK omonatlar miqdorini cheklamaydi. Biroq davlat kafolati faqat 200 million so‘mga taalluqli. Shu sababli, bank tugatilgan taqdirda, Bank omonatchiga bank kapitali yoki mol-mulki hisobidan 200 million so‘mdan ortiq mablag‘ni to‘lash majburiyatini oladi.

InfinBANK doimo mijozlar tomonida

Biz omonatlar himoyasini kuchaytirish va kompensatsiya to‘lovlarini tezlashtirishga qaratilgan tashabbuslarni qo‘llab-quvvatlaymiz. Mijozlarimiz o‘z mablag‘lari himoyalanganligi haqida bilgan holda o‘zlarini ishonchli his qilishlari biz uchun muhimdir. 

1. Omonatlarni himoya qilish haqida batafsil ma’lumotni Markaziy bankning rasmiy veb-sayti, finlit.uz platformasi va Omonatlarni kafolatlash agentligidan olishingiz mumkin.
2. InfinBANKdagi omonatlar haqida batafsil ma’lumotni veb-saytimiz va mobil ilovamizdan topishingiz mumkin.

Reklama huquqi asosida.