Dam olish kunlari O‘zbekiston hududining katta qismida juda iliq ob-havo saqlanib turadi, deb xabar bermoqda “O‘zgidromet”.
Prognozlarga ko‘ra, harorat kechalari 3-8 daraja iliq, kunduz kunlari 15-20 daraja iliq, ba’zi joylarda 22 darajagacha iliq bo‘ladi.
Faqat Qoraqalpog‘iston Respublikasi, Xorazm viloyatida harorat pasaya boshlaydi va 23-fevral, yakshanba kuniga kelib kechasi 1-6 daraja sovuqqacha, kunduzi 3 daraja sovuq-2 daraja iliqqacha pasayadi.
22-fevralda janubiy hududlarda va cho‘l zonasida ba’zi joylarda yomg‘ir yog‘adi, 23-fevralda respublikaning ko‘pchilik hududlarida (Farg‘ona vodiysidan tashqari) yomg‘ir yog‘adi, shimolda yog‘ingarchilik (yomg‘ir, qor) bo‘ladi.
Toshkentda 22—23-fevral kunlari yog‘ingarchilik kutilmaydi. Harorat asosan kechalari 5-8 daraja iliq, kunduz kunlari 17-20 daraja iliq bo‘ladi.
Izoh (0)