Uzbekistan Airways bortkuzatuvchilar jamoasiga qabul jarayonini davom ettirmoqda va sizni katta aviatsiya oilasining bir qismi bo‘lishga taklif qiladi. O‘quv-mashg‘ulotlari uchun to‘lov Uzbekistan Airways aviakompaniyasi tomonidan to‘lanadi.
Bortkuzatuvchi bo‘lish – bu nafaqat sayohat qilish imkoniyati, balki mas’uliyat, professionallik va yo‘lovchilarga e’tibor talab qiladigan nufuzli kasb demakdir. Uzbekistan Airways sizga ushbu kasbni egallash imkoniyatini taqdim etibgina qolmay, O‘quv-mashg‘ulot markazida bepul o‘qishni ham taklif qiladi.
Tayyorgarlik dasturi nazariy va amaliy mashg‘ulotlar, bortda xavfsizlikni ta’minlash, birinchi tibbiy yordam ko‘rsatish va xizmat ko‘rsatish bo‘yicha mashg‘ulotlarni o‘z ichiga oladi. O‘qishni tamomlab, imtihonlarni muvaffaqiyatli topshirgan bitiruvchilar mintaqadagi yetakchi aviakompaniyalardan birida ish faoliyatini boshlash imkoniyatiga ega bo‘ladilar.
O‘qish uchun tanlovda ishtirok etishni xohlovchilar anketa to‘ldirib, hujjatlarning skanerlangan nusxalarini tayyorlashlari va bularning barchasini elektron pochta orqali ca.school@uzairways.com elektron manziliga yuborishlari kerak.
Hujjatlar ro‘yxati bilan aviakompaniya saytida https://www.uzairways.com/uz/uzbekistan-airways-aviakompaniyasi-bortkuzatuvchilarni-qabul-qilishini-elon-qiladi havolasi orqali tanishishingiz mumkin.
Nomzodga qo‘yiladigan talablar:
• Nomzod O‘zbekiston Respublikasi fuqarosi bo‘lishi va tugallangan oliy yoki o‘rta-maxsus ma’lumotga ega bo‘lishi kerak;
• Yoshi 18 dan 25gacha (25 yoshga to‘lganlar qabul qilinmaydi);
• Qizlar uchun: bo‘yi 162 dan 175 santimetrgacha, kiyim o‘lchami 36-40 (Yevropa o‘lchovida);
• Normal tana massasi indeksi Ketle bo‘yicha (18,5-24,9);
• Qaddi-qomati kelishgan va nozik, yurishda nuqsonlar bo‘lmasligi kerak;
• Orasta soch turmagi yoki shakli, erta kallik belgilari, kesilgan joylar bo‘lmagan, sochlar tabiiy rangga ega bo‘lishi kerak (uzun sochlar kiyimning yoqasiga tegmasligi uchun orasta turmakda bo‘lishi kerak);
• Ko’rinadigan nuqsonlar va assimetriyasiz yuz, teri toza bo’lishi kerak, yuz ifodalari va mimikalar ijobiy taassurot qoldirishi, muloqot qilish uchun qulay bo’lishi va har bir vaziyatda zarur bo’lgan his-tuyg’ularni ifodalashi kerak (tushunish, do’stona munosabat, g’amxo’rlik, hamdardlik);
• Lablar Fillerlardan holi tabiiy shakl va hajmda bo‘lishi kerak;
• Tishlar tekis, toza, to‘g‘ri tishlash bilan, old tishlarda oq yoki sariq tish koronkalari bo‘lmasligi lozim;
• Qo‘llar parvarish qilingan bo‘lishi zarur (manikyur bilan). Qo’lning shakli to‘g‘ri va mutanosib bo‘lishi darkor, barmoqlari mavjud bo‘lmaganlar (falanjlar) qabul qilinishi mumkin emas;
• Tananing ochiq joylarida chandiqlar, dog‘lari va tabiiy belgilari, katta hollar, kuyish izlari va tatuirovkalar, pirsinglar mavjud bo‘lsa nomzod qabul qilinmaydi;
• Qaddi-qomati kelishgan bo‘lishi lozim.
Hujjatlar elektron shaklda qabul qilinadi va ko‘rib chiqiladi. Taqdim etilgan hujjatlarni ko‘rib chiqish natijasi ijobiy bo‘lgan taqdirda, nomzod telefon orqali suhbatga taklif etiladi. O‘quv mashg‘ulotlari Toshkent xalqaro aeroportidan uncha uzoqda bo‘lmagan “Uzbekistan Training Center”da bo‘lib o‘tadi.
Qo‘shimcha ma’lumot uchun ca.school@uzairways.com elektron pochta manziliga murojaat qilishingiz mumkin.
Reklama huquqi asosida.
Izoh (0)