Yanvar oyida VEON Group tarkibiga kiruvchi Beeline Uzbekistan mamlakat poytaxti, o‘nta viloyat va Qoraqalpog‘iston Respublikasida avval ishga tushirilgan 150 dan ortiq baza stansiyalarini (BS) modernizatsiya qildi. Yangilangan qurilmalar 4G/LTE tezkor ma’lumot uzatish texnologiyasini qo‘llab-quvvatlaydi. Keng ko‘lamli ishlar natijasida aholi punktlari va O‘zbekistonning muhim avtomobil yo‘llarida digital-operator xizmatlari sifati yanada yaxshilandi.
Texnik ishlar Andijon, Buxoro, Jizzax, Qashqadaryo, Namangan, Samarqand, Surxondaryo, Toshkent, Farg‘ona, Xorazm viloyatlari va Qoraqalpog‘iston Respublikasida olib borildi.
Yangilangan baza stansiyalari soni bo‘yicha Farg‘ona viloyati yetakchi bo‘ldi. U mamlakatda aholi zichligi bo‘yicha eng keng hududlardan biri hisoblanadi — yanvar oyida operator bu yerda taxminan 90 ta baza stansiyasini modernizatsiya qildi. 2025-yilda mamlakat bo‘ylab 220 dan ortiq stansiyalarni yangilash rejalashtirilmoqda. Massive MIMO kabi qo‘llaniladigan texnologiyalar bir vaqtning o‘zida xizmat ko‘rsatiladigan foydalanuvchilar sonini sezilarli darajada oshirish imkonini beradi. Bu shaharlarning aholi zich joylashgan hududlarida va yirik savdo markazlari yoki stadionlar kabi ko‘plab odamlar to‘planadigan obyektlar yaqinida dolzarbdir. Chastotalardan yanada samarali foydalanish tufayli mobil qurilmalar egalari ma’lumotlarni uzatish va yuklab olishning yuqori tezliklariga ega bo‘ladilar. Modernizatsiya qilingan baza stansiyalarida ulanish tezligi 36 foizga, mijozlar trafigi esa 19 foizga oshdi.
4G/LTE standartidagi tarmoqni rivojlantirishga e’tibor qaratish Beeline Uzbekistan mijozlariga nafaqat qulay tezlikda mobil internetdan foydalanish, balki to‘rtinchi avlod tarmog‘ida qolgan holda ovozli qo‘ng‘iroqlarni amalga oshirish imkonini beradi. Shu tufayli mamlakatda Voice over LTE ("LTE orqali ovoz") xizmati tobora ommalashib bormoqda — operator tarmog‘ida milliondan ziyod VoLTE foydalanuvchilari qayd etilgan.
"Bizning texnik xodimlarimiz uchun yanvar oyi yuqori sur’atda o‘tdi: atigi bir oy ichida biz joriy yilda yangilanishi rejalashtirilgan baza stansiyalarining yarmidan ko‘pini modernizatsiya qilishga ulgurdik. Buning izohi oddiy. Qurilmalar 4G tezligida qanchalik erta ishlay boshlasa, O‘zbekiston fuqarolari yangi aloqa sifatidan shunchalik tez foydalana boshlaydilar va VEON AI1440 strategiyasiga muvofiq yashab, kuniga 1440 daqiqa davomida zamonaviy raqamli xizmatlardan bahramand bo‘ladilar. Bu, ayniqsa, yuqori tezlikdagi internet birinchi marta kirib kelayotgan kichik aholi punktlari uchun alohida ahamiyatli," — deya sharhladi Beeline Uzbekistan bosh direktori Andrey Pyataxin.
***
Unitel MCHJ 2006-yil 12-sentabrdan boshlab Beeline Uzbekistan savdo belgisi ostida xizmat ko‘rsatib kelmoqda. Beeline Uzbekistan bosh qarorgohi Dubayda (BAA) joylashgan VEON xalqaro telekommunikatsiya xoldingi tarkibiga kiradi. 2024-yilda Top Employer sertifikatiga ega bo‘ldi.
VEON — bu 160 millionga yaqin mijozlarga konvergent aloqa va raqamli xizmatlarni taqdim etuvchi raqamli operator. Dunyo aholisining 7 foizidan ortig‘i yashaydigan oltita mamlakatda faoliyat yurituvchi VEON odamlarni qo‘llab-quvvatlaydigan va iqtisodiy o‘sishni ta’minlaydigan texnologiyalarga asoslangan xizmatlar orqali hayotni o‘zgartirmoqda. VEON aksiyalari NASDAQ fond birjasida ro‘yxatga olingan.
Beeline Uzbekistan’da 1,9 mingga yaqin xodim ishlaydi. 2006-yilda O‘zbekiston bozoriga kirgandan so‘ng, VEON mamlakat telekommunikatsiya sanoatiga 1,4 milliard AQSH dollaridan ortiq sarmoya kiritdi. "Unitel" MCHJ O‘zbekistondagi eng yirik soliq to‘lovchilardan biri hisoblanadi. Beeline O‘zbekistondagi faoliyati davomida taxminan 2 milliard AQSH dollari miqdorida soliq to‘lagan.
Sayt: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
X: @beeline_uz
LinkedIn: @beeline-uzbekistan
Reklama huquqi asosida.
Izoh (0)