Uzbekistan Airways борткузатувчилар жамоасига қабул жараёнини давом эттирмоқда ва сизни катта авиация оиласининг бир қисми бўлишга таклиф қилади. Ўқув-машғулотлари учун тўлов Uzbekistan Airways авиакомпанияси томонидан тўланади.
Борткузатувчи бўлиш – бу нафақат саёҳат қилиш имконияти, балки масъулият, профессионаллик ва йўловчиларга эътибор талаб қиладиган нуфузли касб демакдир. Uzbekistan Airways сизга ушбу касбни эгаллаш имкониятини тақдим этибгина қолмай, Ўқув-машғулот марказида бепул ўқишни ҳам таклиф қилади.
Тайёргарлик дастури назарий ва амалий машғулотлар, бортда хавфсизликни таъминлаш, биринчи тиббий ёрдам кўрсатиш ва хизмат кўрсатиш бўйича машғулотларни ўз ичига олади. Ўқишни тамомлаб, имтиҳонларни муваффақиятли топширган битирувчилар минтақадаги етакчи авиакомпаниялардан бирида иш фаолиятини бошлаш имкониятига эга бўладилар.
Ўқиш учун танловда иштирок этишни хоҳловчилар анкета тўлдириб, ҳужжатларнинг сканерланган нусхаларини тайёрлашлари ва буларнинг барчасини электрон почта орқали cа.school@uzairways.com электрон манзилига юборишлари керак.
Ҳужжатлар рўйхати билан авиакомпания сайтида https://www.uzairways.com/uz/uzbekistan-airways-aviakompaniyasi-bortkuzatuvchilarni-qabul-qilishini-elon-qiladi ҳаволаси орқали танишишингиз мумкин.
Номзодга қўйиладиган талаблар:
• Номзод Ўзбекистон Республикаси фуқароси бўлиши ва тугалланган олий ёки ўрта-махсус маълумотга эга бўлиши керак;
• Ёши 18 дан 25гача (25 ёшга тўлганлар қабул қилинмайди);
• Қизлар учун: бўйи 162 дан 175 сантиметргача, кийим ўлчами 36-40 (Европа ўлчовида);
• Нормал тана массаси индекси Кетле бўйича (18,5-24,9);
• Қадди-қомати келишган ва нозик, юришда нуқсонлар бўлмаслиги керак;
• Ораста соч турмаги ёки шакли, эрта каллик белгилари, кесилган жойлар бўлмаган, сочлар табиий рангга эга бўлиши керак (узун сочлар кийимнинг ёқасига тегмаслиги учун ораста турмакда бўлиши керак);
• Кўринадиган нуқсонлар ва ассиметриясиз юз, тери тоза бўлиши керак, юз ифодалари ва мимикалар ижобий таассурот қолдириши, мулоқот қилиш учун қулай бўлиши ва ҳар бир вазиятда зарур бўлган ҳис-туйғуларни ифодалаши керак (тушуниш, дўстона муносабат, ғамхўрлик, ҳамдардлик);
• Лаблар Филлерлардан ҳоли табиий шакл ва ҳажмда бўлиши керак;
• Тишлар текис, тоза, тўғри тишлаш билан, олд тишларда оқ ёки сариқ тиш коронкалари бўлмаслиги лозим;
• Қўллар парвариш қилинган бўлиши зарур (маникюр билан). Қўлнинг шакли тўғри ва мутаносиб бўлиши даркор, бармоқлари мавжуд бўлмаганлар (фаланжлар) қабул қилиниши мумкин эмас;
• Тананинг очиқ жойларида чандиқлар, доғлари ва табиий белгилари, катта ҳоллар, куйиш излари ва татуировкалар, пирсинглар мавжуд бўлса номзод қабул қилинмайди;
• Қадди-қомати келишган бўлиши лозим.
Ҳужжатлар электрон шаклда қабул қилинади ва кўриб чиқилади. Тақдим этилган ҳужжатларни кўриб чиқиш натижаси ижобий бўлган тақдирда, номзод телефон орқали суҳбатга таклиф этилади. Ўқув машғулотлари Тошкент халқаро аэропортидан унча узоқда бўлмаган “Uzbekistan Training Center”да бўлиб ўтади.
Қўшимча маълумот учун cа.school@uzairways.com электрон почта манзилига мурожаат қилишингиз мумкин.
Реклама ҳуқуқи асосида.
Изоҳ (0)