TBC Bank O‘zbekistonda tadbirkorlik va innovatsiyalarni rivojlantirish uchun xalqaro investitsiyalarni jalb etishni davom ettirmoqda. 2024-yilda bank 105 million dollar miqdorida mablag‘ oqimini ta’minlab, bu mablag‘larni biznesni qo‘llab-quvvatlash, “yashil” loyihalar va raqamli moliyaviy xizmatlarni rivojlantirishga yo‘naltirdi.
TBC Bank jismoniy shaxslarga xizmat ko‘rsatishda sezilarli yutuqlarga erishdi. 2024-yilda ro‘yxatdan o‘tgan foydalanuvchilar soni 1,3 millionga ko‘payib, 18,4 millionga yetdi. Bu o‘sish raqamli moliyaviy xizmatlarga talabning yuqoriligini ko‘rsatadi. Endi bank navbatdagi qadamni qo‘yishga shay, ya’ni kichik va o‘rta biznesni moliyalashtirishni kengaytirib, tadbirkorlar uchun qulay yechimlar yaratmoqda.
Buning uchun TBC Bank 2024-yilda yetakchi xalqaro moliya tashkilotlaridan jami 105 million AQSh dollari miqdorida kredit liniyalarini jalb qildi. Jalb qilingan mablag‘larning bir qismi mikrobiznesni rivojlantirishga yo‘naltirildi. Aprel oyida bank Gollandiyaning tadbirkorlikni rivojlantirish banki (FMO) bilan 40 million dollarlik shartnoma imzoladi. Bu mablag‘ning 70 foizi kichik korxonalarni kreditlashga, qolgan 30 foizi esa “yashil” loyihalarni moliyalashtirishga sarflanadi. Avgust oyida TBC Bank biznes uchun raqamli moliyaviy xizmatlarni rivojlantirishni qo‘llab-quvvatlovchi Shveytsariyaning BlueOrchard investitsiya fondidan 25 million dollar miqdorida mablag‘ jalb etdi.
Ayol tadbirkorlarni qo‘llab-quvvatlashga alohida e’tibor berildi. Noyabr oyida bank Global Gender-Smart Fund’dan 10 million dollar mablag‘ oldi. Bu mablag‘ ayollar tashkil etgan bizneslarni moliyalashtirishga yo‘naltiriladi. Bundan tashqari, bank YTTBdan yana 10 million dollar jalb qildi. Bu mablag‘ning kamida 40 foizi ayollar tadbirkorligini rivojlantirishga, 65 foizi esa yosh tadbirkorlar tomonidan tashkil etilgan kichik korxonalarni qo‘llab-quvvatlashga sarflanadi.
Ekologik barqaror loyihalar bank uchun muhim yo‘nalish bo‘lib qolmoqda. Fevral oyida TBC Bank Global iqlim hamkorligi jamg‘armasi (GCPF) bilan O‘zbekistonda “yashil” bank xizmatlarini rivojlantirishga ko‘maklashadigan 10 million dollarlik kelishuv imzoladi. Oktyabr oyida bank Shveytsariyaning responsAbility Investments AG kompaniyasidan kredit dasturlarini yanada kengaytirish maqsadida 10 million dollar miqdorida mablag‘ jalb qildi.
Yakuniy natija sifatida, dekabr oyida kompaniya O‘zbekistonda kichik va o‘rta biznes uchun birinchi to‘liq raqamlashtrilgan bank xizmati – TBC Business'ni ishga tushirdi. Bu oddiy, tez va qulay tranzaksiya xizmati bo‘lib, tadbirkorlarga barcha bank va aloqador operatsiyalarni to‘liq masofadan turib boshqarish imkonini beradi.
TBC Bank O‘zbekistonga xalqaro sarmoyalarni jalb qilish uchun zamin yaratib, iqtisodiyotning rivojiga hissa qo‘shmoqda hamda biznes va mijozlar uchun yangi imkoniyatlar yaratib bermoqda.
Reklama huquqi asosida.
Izoh (0)