Toshkent shahrining Olmazor tumani, “Chilto‘g‘on” MFY hududida joylashgan Riviera savdo majmuasida 1979-yilda tug‘ilgan M.Sh. 3-fevral kuni soat 11:10 da lift shaxtasida halok bo‘ldi. Bu haqda Bosh prokuratura matbuot xizmati “Daryo”ga xabar berdi.
Maʼlum qilinishicha, 46 yoshli ayol liftning harakatlanish shaxtasidagi shisha oynalarni tozalash paytida shaxtaning burchak qismida turgan. Shu vaqtda lift eshiklari yopilib, tepaga qarab harakatlanishni boshlagan. Liftni harakatga keltiruvchi qismi bo‘lgan toshlar Sh.M. turgan joyga qarab harakatlanib, uni qisib qolgan.
Hodisa oqibatida ayol vafot etgan.
Voqea joyi ko‘zdan kechirilib, videoyozuvlar bayonnoma asosida olingan, Sh.M.ning vafot etganligi holati bo‘yicha sud-tibbiy ekspertizasi tayinlangan.
Holat yuzasidan tergovga qadar tekshiruv o‘tkazilmoqda, natijasi bo‘yicha qonuniy qaror qabul qilinishi taʼminlanadi.
Izoh (0)