Megan Markl yangi kosmetika brendini taqdim etdi

Shahzoda Garrining turmush o‘rtog‘i Megan Markl American Riviera Orchard nomli layfstayl brendi ostida yangi loyiha boshladi. Bu haqda “Korrespondent.net” nashri xabar bermoqda.

Sasseks gersoginyasi o‘zining yangi do‘koni uchun veb-sayt va ijtimoiy tarmoq sahifasini ochdi. Unda kosmetika mahsulotlari, xo‘jalik predmetlari, idish-tovoqlar hamda xonadon uchun turli dekorlar sotiladi.

Yangi do‘konda keng turdagi mahsulotlar sotuvi yo‘lga qo‘yiladi, jumladan, uy-ro‘zg‘or buyumlari, oshxona anjomlari, bog‘dorchilik asboblari, ichimliklar, oziq-ovqatlar va ziravorlar sotiladi.

Megan Markl yangi loyihasida turli assortimentdagi kosmetika tovarlari, xususan, terini parvarish qilish vositalari, kremlar, dekorativ kosmetikalar va xushbo‘y moylar ham sotuvi yo‘lga qo‘yiladi.

Yangi brend tashkil qilinganini e’lon qilish uchun Megan Markl so‘nggi to‘rt yil ichida birinchi bor ijtimoiy tarmoqlarga qaytdi.