Hambi ekotizimi xizmatining yangi versiyasi ishga tushirilganidan beri uch oy ichida 700 000 yangi foydalanuvchini qamrab oldi. Platformadan muntazam ravishda foydalanadigan mijozlar soni esa allaqachon oyiga 4 000 000 oshdi.
O‘zbekistonda VEON global raqamli operatori tomonidan ishga tushirilgan Hambi platformasi kundalik hayot uchun ommabop xizmatlarni yagona ilovada mujassamlashtirdi. Xususan, barcha mobil aloqa operatorlari mijozlari uchun moliyaviy xizmatlar, jumladan, komissiyalarsiz P2P pul o‘tkazmalari, teledasturlar va o‘yinlar, avtomobil sug‘urtasi, onlayn xaridlar va chiptalarni band qilish imkoniyatlari taqdim etilgan. Beeline Uzbekistan foydalanuvchilari uchun esa o‘z SIM-kartalarini boshqarish yanada qulayroq bo‘lib, balansni tekshirish, xizmatlarni faollashtirish hamda maqbul tariflar va internet-paketlarni tanlash kabi amallarni osonlik bilan bajarish mumkin.
Yangi platforma ishga tushirilganidan beri shifokorlar 500 dan ortiq onlayn konsultatsiya o‘tkazdilar. Bu maslahatlar, ayniqsa, yashash joyidagi klinikalarga o‘z vaqtida murojaat qilish imkoniyatiga ega bo‘lmagan odamlar uchun muhimdir. Misol uchun, Toshkentlik shifokor samarqandlik yosh ona Oyshaga yordam berdi. Uning uch yoshli o‘g‘li qornidagi kuchli og‘riqdan shikoyat qilayotgan edi. Hambi Davo tufayli Oysha o‘n besh daqiqa ichida bolalar kasalliklari bo‘yicha mutaxassis bilan bog‘lanib, alomatlar haqida gapirib berdi va uning tavsiyalarini oldi. Ertasi kuni bolaning ahvoliga qarab davolash rejasi o‘zgartirildi.
“Men onlayn tarzda sifatli yordam olish mumkinligini kutmagan edim. Doktor Said o‘g‘limni uzoq davom etib kelayotgan azobdan qutqardi, buning uchun minnatdorligimning cheki yo‘q!” - deya o‘z fikri bilan o‘rtoqlashdi Oysha.
Boshqa bir holatda, toshkentlik shifokor terapevt nukuslik 52 yoshli bemor Maryamga gipertonik kriz tashxisini qo‘ydi va ayolning ahvolini barqarorlashtirish uchun tezkor choralar ko‘rishga ko‘maklashdi. Hambi Davo mutaxassislarga butun mamlakat bo‘ylab, shu jumladan chekka hududlarda yashovchi aholiga ham onlayn maslahat berish imkoniyatini yaratib bermoqda.
“Bizning Hambi'ga yuklagan vazifamiz mijozlarimizga zamonaviy platformalar yordamida kunning barcha 1440 daqiqasi davomida foydali va qulay xizmatlardan foydalanishda ko‘maklashishdir. Barcha mobil operatorlar foydalanuvchilari bu yerda kundalik maishiy muammolarini hal qilishlari, dam olishlari, tibbiy maslahatlar olishlari, moliyaviy mablag‘larini boshqarishlari va hatto ta’tillarini rejalashtira olishlari mumkin. Biz Hambi'ni ekotizimning hozirgi va bo‘lajak mijozlarining haqiqiy ehtiyojlariga e’tibor qaratgan holda rivojlantirishni davom ettiramiz,” - deya izoh berdi Beeline Uzbekistan tijorat direktori Maksim Yefremov.
Hambi'ning boshqa xizmatlari ham yuqori darajada talabgir. Jumladan, 50 000 dan ortiq avtomobil sug‘urta polislarini rasmiylashtirish va ma’lumotlarni kuzatib borish uchun Hambi Auto tizimiga kiritilgan.
Hambi haqida
Global raqamli operator VEON 2024-yil noyabr oyida O‘zbekistondagi barcha mobil aloqa foydalanuvchilari uchun mo‘ljallangan Hambi super ilovasini ishga tushirdi. Bu sun’iy intellektga asoslangan innovatsion platforma bo‘lib, raqamli xizmatlar va ulanish imkoniyatlarining to‘liq spektrini bitta ilovada birlashtirgan.
Super ilovada Hambi Davo - sog‘liqni saqlash bo‘yicha onlayn maslahat xizmati va Hambi Auto - avtomobil sug‘urtasiga kirish kabi funksiyalar mavjud. Shuningdek, ilova raqamli marketpleys, sayohat, ko‘ngilochar, televideniye, moliyaviy texnologiyalar va o‘yin xizmatlarini taklif etadi. Beeline Uzbekistan mijozlari uchun ilovada tariflar, ma’lumotlar, rouming va boshqa xizmatlarni boshqarish kabi qulay o‘z-o‘ziga xizmat ko‘rsatish funksiyalari ham mavjud.
Hambi ilovasini Android OS va iOS qurilmalari uchun mo‘ljallangan rasmiy ilovalar do‘konlaridan yuklab olish va o‘rnatish mumkin.
***
"Unitel" MCHJ 2006-yil 12-sentabrdan boshlab Beeline Uzbekistan savdo belgisi ostida xizmat ko‘rsatib kelmoqda. Beeline Uzbekistan bosh qarorgohi Dubayda (BAA) joylashgan VEON xalqaro telekommunikatsiya xoldingi tarkibiga kiradi. 2024-yilda Top Employer sertifikatiga ega bo‘ldi.
VEON — bu 160 millionga yaqin mijozlarga konvergent aloqa va raqamli xizmatlarni taqdim etuvchi raqamli operator. Dunyo aholisining 7 foizidan ortig‘i yashaydigan oltita mamlakatda faoliyat yurituvchi VEON odamlarni qo‘llab-quvvatlaydigan va iqtisodiy o‘sishni ta’minlaydigan texnologiyalarga asoslangan xizmatlar orqali hayotni o‘zgartirmoqda. VEON aksiyalari NASDAQ fond birjasida ro‘yxatga olingan.
Beeline Uzbekistan’da 1,9 mingga yaqin xodim ishlaydi. 2006-yilda O‘zbekiston bozoriga kirgandan so‘ng, VEON mamlakat telekommunikatsiya sanoatiga 1,4 milliard AQSH dollaridan ortiq sarmoya kiritdi. "Unitel" MCHJ O‘zbekistondagi eng yirik soliq to‘lovchilardan biri hisoblanadi. Beeline O‘zbekistondagi faoliyati davomida taxminan 2 milliard AQSH dollari miqdorida soliq to‘lagan.
Sayt: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
X: @beeline_uz
LinkedIn: @beeline-uzbekistan
Reklama huquqi asosida.
Izoh (0)