O‘zbekiston hududining katta qismida quruq ob-havo 19-dekabr kuniga qadar saqlanib turadi, deb xabar bermoqda “O‘zgidromet”. Faqat 19-dekabr, chorshanba kuni Qoraqalpog‘ston Respublikasi, Xorazm viloyatida va kunning ikkinchi yarmida Buxoro, Navoiy viloyatlarining baʼzi joylarida yog‘ingarchilik bo‘ladi.
Prognozlarga ko‘ra, respublika hududi bo‘yicha harorat 17-dekabr kuni kechasi 8-13 daraja sovuq bo‘lishi saqlanib turadi, kunduz kuni esa havo harorati ko‘tarila boshlaydi. 19-dekabrga kelib, harorat kechasi 0-2 daraja sovuqqacha, kunduz kuni 5-7 daraja iliqqacha, janubda baʼzi joylarda 10 daraja iliqqacha ko‘tariladi.
20-dekabr, juma kuni O‘zbekiston bo‘yicha baʼzi joylarda yomg‘ir va qor ko‘rinishidagi yog‘ingarchilik kuzatiladi. Kunduz kungi harorat 0-3 daraja iliqqacha pasayadi.
Respublikaning ayrim joylariga kechasi va ertalab tuman tushishi mumkin.18—20-dekabrda baʼzi joylarda shamol tezligi 13-18 metr/sekundgacha kuchayadi.
Toshkentda 19-dekabrgacha yog‘ingarchilik kutilmaydi. Harorat kechalari 10-12 daraja sovuqdan 0-2 daraja sovuqqacha, kunduz kunlari 3-5 daraja sovuqdan 5-7 daraja iliqqacha asta-sekin ko‘tariladi. 20-dekabrda vaqti-vaqti bilan yog‘ingarchilik (yomg‘ir, qor) bo‘ladi. Harorat kechasi va kunduzi 0-2 daraja iliq bo‘ladi.
O‘zbekiston hududiga 15-dekabrda shimoli-g‘arbdan nam va sovuq havo massalari kirib kelishi boshlandi, qator hududlarda qor yog‘di. 16-dekabrda faqat Farg‘ona vodiysi ba’zi joylarida biroz qor yog‘ishi prognoz qilingan.
Izoh (0)