Ўзбекистон ҳудудининг катта қисмида қуруқ об-ҳаво 19 декабрь кунига қадар сақланиб туради, деб хабар бермоқда “Ўзгидромет”. Фақат 19 декабрь, чоршанба куни Қорақалпоғстон Республикаси, Хоразм вилоятида ва куннинг иккинчи ярмида Бухоро, Навоий вилоятларининг баъзи жойларида ёғингарчилик бўлади.
Прогнозларга кўра, республика ҳудуди бўйича ҳарорат 17 декабрь куни кечаси 8-13 даража совуқ бўлиши сақланиб туради, кундуз куни эса ҳаво ҳарорати кўтарила бошлайди. 19 декабрга келиб, ҳарорат кечаси 0-2 даража совуққача, кундуз куни 5-7 даража илиққача, жанубда баъзи жойларда 10 даража илиққача кўтарилади.
20 декабрь, жума куни Ўзбекистон бўйича баъзи жойларда ёмғир ва қор кўринишидаги ёғингарчилик кузатилади. Кундуз кунги ҳарорат 0-3 даража илиққача пасаяди.
Республиканинг айрим жойларига кечаси ва эрталаб туман тушиши мумкин.18—20 декабрда баъзи жойларда шамол тезлиги 13-18 метр/секундгача кучаяди.
Тошкентда 19 декабргача ёғингарчилик кутилмайди. Ҳарорат кечалари 10-12 даража совуқдан 0-2 даража совуққача, кундуз кунлари 3-5 даража совуқдан 5-7 даража илиққача аста-секин кўтарилади. 20 декабрда вақти-вақти билан ёғингарчилик (ёмғир, қор) бўлади. Ҳарорат кечаси ва кундузи 0-2 даража илиқ бўлади.
Ўзбекистон ҳудудига 15 декабрда шимоли-ғарбдан нам ва совуқ ҳаво массалари кириб келиши бошланди, қатор ҳудудларда қор ёғди. 16 декабрда фақат Фарғона водийси баъзи жойларида бир оз қор ёғиши прогноз қилинган.
Изоҳ (0)