O‘zbekistonga 8-dekabrda shimoldan sovuq havo massalari kirib kelishi boshlanib, ayrim joylarda qor yog‘adi.
“O‘zgidromet” prognoziga ko‘ra, 6—7-dekabr kunlari quruq ob-havo saqlanib turadi, faqat respublika shimolida shanba kuni baʼzi joylarda biroz qor yog‘ishi mumkin. Respublika bo‘yicha baʼzi joylarga tuman tushadi.
Havo harorati asosan kechalari 3 daraja sovuq — 2 daraja iliq, kunduz kunlari 2-7 daraja iliq, shimolda kechalari 3-8 daraja sovuq, kunduz kunlari 2 daraja sovuq — 3 daraja iliq bo‘ladi.
8-dekabrda havo harorati kechasi va kunduzi 0-5 daraja sovuqni, shimolda kechasi 5-10 daraja sovuqni, kunduzi 2-7 daraja sovuqni tashkil etadi. Shu kuni respublika bo‘yicha baʼzi joylarda qor yog‘adi.
Ayrim joylarda shamol tezligi 13-18 metr/sekundgacha kuchayishi mumkin. Baʼzi joylarga tuman tushadi.
Toshkentda 6—7-dekabr kunlari yog‘ingarchilik kutilmaydi. Kechasi va ertalab tuman tushishi mumkin. Harorat asosan kechalari 1 daraja sovuq — 1 daraja iliq, kunduz kunlari 2-5 daraja iliq bo‘ladi. 8-dekabrda kuchsiz qor yog‘ishi, tuman tushishi mumkin. Harorat kechasi va kunduzi 2-4 daraja sovuq bo‘ladi.
Kelgusi haftaning boshida O‘zbekiston bo‘yicha harorat kechalari 5-10 daraja sovuqqacha (Toshkentda 6-8 daraja sovuqqacha), shimolda 13-18 daraja sovuqqacha pasayishi kutilmoqda. Kunduz kungi harorat deyarli o‘zgarmaydi.
Izoh (0)