Mashhurlarning shaxsiy hayoti doimo jamoatchilikda qiziqish uyg‘otadi. Aktyorlik sohasidagi muvaffaqiyatning o‘lchovi nafaqat muxlislar tomonidan e’tirof, balki munosib maoshga ham bog‘liqdir. Quyida "Aksham" nashri ma’lumotlariga asoslanib bugungi kunda Turkiyaning eng badavlat aktyor va aktrisalar reytingi bilan tanishamiz.
5-o‘rin — Serenay Sarikaya
“To‘lqin”, “Ikkimiz o‘rniga”, “Lola gullagan davr” seriallarining yulduzi 186 million lira (5,4 mln dollar) kapitalga ega. Serenay nafaqat turk teleseriallardagi rollaridan daromad oladi, balki bir necha yillardan beri “Alisa mo‘jizalar mamlakatida” musiqiy spektaklida bosh rolni ijro etib kelmoqda. Shuningdek, Sarikaya Turkiyada Bvlgari brendining yuzi hisoblanadi.
4-o‘rin — Hande Erchel
Turkiyaning eng go‘zal aktrisalaridan biri Hande Erchel eng badavlat dizi yulduzlari ro‘yxatida to‘rtinchi o‘rinni egalladi. Faoliyati davomida Hande 249 million lira (7 mln dollardan ortiq) pul ishlab topgan. Ma’lumki, aktrisa unga taklif qilingan rollarni doim saralab oladi va istamagan loyihalarda suratga tushmaydi. Bugungi kunda Hande Erchel jahon kinosini zabt etishni orzu qiladi.
3-o‘rin — Jan Yaman
“To‘rg‘ay”, “To‘lin oy” seriallaridagi yorqin rollari bilan millionlab muxlislarning qalbini zabt etgan Jan Yaman mazkur reytingda uchinchi o‘rinni egalladi. Uning joriy yildagi boyligi 311 million lira (salkam 9 million dollar) deb baholanmoqda. Aktyorning daromadi seriallardagi rollardan, tashqari turli ijtimoiy loyihalar tufayli ham oshib bormoqda. Jumladan, Yaman kitoblar yozadi, tadbirkorlik subyektlariga sarmoya kiritadi, shuningdek, Dolce&Gabbana va Mercedes kabi brendlarning ambassadori sifatida hamkorlik qiladi.
2-o‘rin — Meryem Uzerli
“Shokir posho oilasi: mo‘jiza va mojarolar” nomli yangi serialda suratga tushayotgan Maryam Uzerli hozirda kino faoliyati bilan jiddiy shug‘ullanmoqda. Dunyodagi eng mashhur kanizak sifatida tanilgan aktrisa joriy yilda 320 million lira (9,2 mln dollar) ishlab topgan. Hozirda aktrisaning asosiy daromadi turli brendlar bilan tuzilgan shartnomalar, moda uylari bilan hamkorlik reklamalari tufayli oshib bormoqda.
1-o‘rin — Kivanch Tatlitug‘
“Taqiqlangan sevgi”, “Kurt Seit va Aleksandra”, “To‘qnashuv” kabi seriallarda unutilmas rollari bilan shuhrat qozongan Kivanch Tatlitug‘ bugungi kunda Turkiyaning eng badavlat aktyori sifatida e’tirof etiladi. Hozirda yulduzning hisobida 466 million lira (13 million dollar) mablag‘ bor. Shuningdek, aktyor ko‘plab reklama shartnomalari orqali daromad manbaini ko‘paytirib bormoqda. Natijada u takliflar soni bo‘yicha Burak O‘zchivit va Kerem Bursinni ortda qoldirib, eng badavlat va katta talablarga ega aktyor sifatida tan olingan.
Izoh (0)