Ergash Soliyev 5-noyabr kuni Jizzax viloyati hokimi lavozimiga qayta tasdiqlandi. Bu haqda viloyat hokimligi matbuot xizmati xabar berdi.
U xalq deputatlari viloyat kengashining yettinchi chaqiriq birinchi sessiyasida yana ushbu lavozimga tasdiqlandi. Maslahatlashuvda prezident tomonidan Jizzax viloyati hokimi lavozimiga Ergash Soliyev nomzodi ko‘rsatilgani bildirilgan va u Jizzax viloyati hokimi lavozimiga bir ovozdan tasdiqlangan.
Shu kuni xalq deputatlari Navoiy viloyati kengashining yettinchi chaqiriq birinchi sessiyasi bo‘lib o‘tdi. Unda Normat Tursunov Navoiy viloyati hokimi lavozimiga tasdiqlandi.
Ergash Soliyev Jizzax viloyatiga 2017-yilning oktyabridan buyon hokimlik qilib kelmoqda. Normat Tursunov esa 2022-yilning noyabridan beri Navoiy viloyati hokimi.
Bundan avval Erkinjon Turdimov Samarqand viloyati hokimi lavozimiga, Jo‘rabek Rahimov Xorazm viloyati hokimi lavozimiga qayta tasdiqlangandi.
Izoh (0)