Эргаш Солиев 5 ноябрь куни Жиззах вилояти ҳокими лавозимига қайта тасдиқланди. Бу ҳақда вилоят ҳокимлиги матбуот хизмати хабар берди.
У халқ депутатлари вилоят кенгашининг еттинчи чақириқ биринчи сессиясида яна ушбу лавозимга тасдиқланди. Маслаҳатлашувда президент томонидан Жиззах вилояти ҳокими лавозимига Эргаш Солиев номзоди кўрсатилгани билдирилган ва у Жиззах вилояти ҳокими лавозимига бир овоздан тасдиқланган.
Шу куни халқ депутатлари Навоий вилояти кенгашининг еттинчи чақириқ биринчи сессияси бўлиб ўтди. Унда Нормат Турсунов Навоий вилояти ҳокими лавозимига тасдиқланди.
Эргаш Солиев Жиззах вилоятига 2017 йилнинг октябридан буён ҳокимлик қилиб келмоқда. Нормат Турсунов эса 2022 йилнинг ноябридан бери Навоий вилояти ҳокими.
Бундан аввал Эркинжон Турдимов Самарқанд вилояти ҳокими лавозимига, Жўрабек Раҳимов Хоразм вилояти ҳокими лавозимига қайта тасдиқланганди.
Изоҳ (0)