“El-yurtimiz yangi parlament va mahalliy kengashlar a’zolaridan ko‘p narsani kutmoqda” — Shavkat Mirziyoyev

Shavkat Mirziyoyev Navoiy viloyatini ijtimoiy-iqtisodiy rivojlantirish vazifalari yuzasidan bo‘lib o‘tayotgan yig‘ilishda 27-oktyabrdagi parlament saylovi borasidagi fikrlarini aytdi.

Prezident matbuot xizmatining ma’lum qilishicha, davlat rahbari saylovlarda siyosiy madaniyat va faollik ko‘rsatib, fuqarolik burchini mas’uliyat bilan ado etgani uchun minnatdorlik bildirdi. Shuningdek, xalq vakili degan maqomga ega bo‘lgan barcha deputatlarni tabrikladi.

Saylovlar natijasida O‘zbekistonda huquq va vakolatlari sezilarli darajada kuchaygan yangi vakillik organlari tizimi ham shakllanganini ta’kidladi.

“Xalqimiz sizlarning yangi g‘oya va tashabbusingizga katta umid va ishonch bilan qaramoqda. El-yurtimiz yangi parlament va mahalliy kengashlar a’zolaridan ko‘p narsani kutmoqda”,dedi prezident.

Davlat rahbari o‘z vazifalarni ado etishda deputatlarga kuch-g‘ayrat, yutuq va omad yor bo‘lishini tiladi.