“G‘alaba rejasi” Rossiyani Ukrainadagi urushni diplomatik yo‘l bilan tugatishga “majbur qilishi” mumkin. Bu haqda Ukraina prezidenti Vladimir Zelenskiyga tayanib, Deutsche Welle xabar berdi.
Tegishli hujjat ikkinchi “Tinchlik sammiti”da taqdim etilishi kerak. Zelenskiyning so‘zlariga ko‘ra, u “Ukrainani kuchaytirish rejasi” hisoblanadi.
“U Rossiyaning ushbu urushni tugatish qaroriga ham psixologik, ham siyosiy, ham turli xil qurollanish jihatidan ta’sir ko‘rsatadi”, dedi Zelenskiy.
Shu bilan birga, siyosatchi bu rejani AQSH prezidenti Jo Bayden bilan muhokama qilishga va’da berdi, chunki uning amalga oshirilishi ko‘p jihatdan Vashingtonga bog‘liq. Ukraina prezidenti ularga ayni paytda Rossiya bilan tinchlik muzokaralarini olib borish vakolatini bermaganini aytdi.
“Rossiya bilan gaplashish uchun vakolatga ega bo‘lish kerak. Men shaxsan bunday vakolatlarni bermaganman”, dedi Zelenskiy.
Ukraina prezidenti hozirda ittifoqchilar bilan ularning uzoq masofaga uchuvchi qurollari yordamida Rossiyaga zarba berish imkoniyatini muhokama qilmoqda.
Izoh (0)