Украина президенти офиси раҳбари маслаҳатчиси Даря Заривная ноябрь ойида иккинчи тинчлик саммити ўтказилмаслигини маълум қилди. Бу ҳақда Телеграф хабар берди.
Маълум қилинишича, ҳозирда тинчлик формуласининг ҳар бир банди бўйича конференциялар давом этмоқда.
Ноябрь ойида иккинчи тинчлик саммити ўтказилмайди. Аммо тайёргарлик ишлари аллақачон якунланган бўлиши керак. Ҳозирча формуланинг ҳар бир банди бўйича конференциялар ўтказилмоқда ва улар коммюнике қабул қилиниши билан якунланади. Ушбу коммюникелардаги асосий қоидалар келгуси иккинчи саммитнинг тинчлик режаси учун асос бўлиб хизмат қилади, дейди Заривная.
Шунингдек, у Канадада гуманитар масалалар — ҳарбий асирлар, тинч аҳоли гаровга олинганларни озод қилиш ва болаларни қайтариш бўйича сўнгги тематик конференция 30-31 октябрь кунлари бўлиб ўтишини таъкидлади. Бу бутун жараённи якунлайди.
Изоҳ (0)