Isroil armiyasi Livan janubida o‘t ochishni to‘xtatish uchun “Hizbulloh” guruhiga shart qo‘ydi. Bu haqda arab nashrlariga tayanib, “TASS” xabar berdi.
Ma’lum qilinishicha, Isroil otashkesim sharti sifatida “Hizbulloh” harakati qurollarini tashlab, kuchlarini ikki davlat chegarasidan shimolga olib chiqishni talab qilmoqda.
Isroil Livanda o‘t ochishni to‘xtatish evaziga “Hizbulloh”dan qurollarini tashlab, Litani daryosining shimoliga chekinishni talab etmoqda, deydi fransuz manbalari.
Hozir Livanda 15 mingdan ortiq isroillik askar bo‘lishi mumkin. “Hizbulloh” birinchi marta Livandagi o‘t ochishni to‘xtatish sa’y-harakatlarini ochiq-oydin qo‘llab-quvvatlamoqda.
Biz o‘t ochishni to‘xtatishga erishish maqsadida (parlament raisi Nabih) Berri rahbarligidagi siyosiy sa’y-harakatlarni qo‘llab-quvvatlaymiz. O‘t ochishni to‘xtatish ishonchli tarzda amalga oshirilgach va diplomatiya o‘z natijasini berganidan so‘ng, barcha boshqa tafsilotlar muhokama qilinib, qarorlar hamjihatlikda qabul qilinadi, dedi bosh kotib o‘rinbosari Naim Qosim.
Izoh (0)