Isroil harbiy-havo kuchlari halok bo‘lgan “Hizbulloh” bosh kotibining vorisi Hoshim Safieddinni o‘ldirgani haqida xabar berdi, deb yozadi Livan xavfsizlik xizmatidagi manbalarga tayanib Al-Arabiya nashri.
Qayd etilishicha, Bayrutning janubiy chekkasida uyushtirilgan hujum 4-oktyabrga o‘tar kechasi Isroil tomonidan amalga oshirilgan.
Telekanalga ko‘ra, havo hujumidan keyin Safieddin bilan aloqa uzilgan. Uning bir qancha yordamchilari va “Hizbulloh” dala qo‘mondonlari u bilan birga halok bo‘lgan. Livan harakatining o‘zi ushbu ma’lumotni hozircha tasdiqlamagan.
“Hizbulloh” bosh kotibi Hasan Nasrulloh 27-sentyabr kuni Isroil hujumi oqibatida halok bo‘lgan edi. U 1992-yildan buyon ushbu lavozimda faoliyat yuritgan.
Nashr Hoshim Safieddin harakatning yangi bosh kotibi etib saylangani, ammo “Hizbulloh” uning tayinlanishini tasdiqlamaganini ma’lum qilgan. 1-oktyabr kuni Isroil armiyasi Livan janubida quruqlikdagi operatsiya boshlanganini e’lon qilib, mazkur hujumdan maqsad “Hizbulloh” infratuzilmasini yo‘q qilish ekanini aytgan.
Izoh (0)