Ukraina razvedkasi rahbari Kirill Budanov o‘z lavozimini tark etishi mumkin. Bu haqda New Voice xabar berdi.
Taxminlarga ko‘ra, uning o‘rniga mamlakat tashqi razvedka xizmatining amaldagi rahbari Oleg Ivashchenko tayinlanishi mumkin.
“Kirill Budanov yaqin orada o‘z lavozimini tark etishi mumkin... Manbaga ko‘ra, Bosh razvedka boshqarmasining yangi rahbari 55 yoshli Oleg Ivashchenko bo‘lishi kutilmoqda, u hozirda Ukraina Tashqi razvedka xizmati rahbari lavozimini egallab turibdi”, deb yozadi nashr.
New Voice manbasiga ko‘ra, Budanov Ukrainaning biror-bir davlatdagi elchisi etib tayinlanishi mumkinligi haqidagi ma’lumotlar haqiqatga to‘g‘ri kelmaydi. Bosh razvedka boshqarmasi o‘z direktorining ishdan bo‘shatilishi bo‘yicha hozircha rasmiy bayonot bermagan. Budanovning elchi etib tayinlanishi haqida avvalroq Ukraina razvedkasi sobiq xodimi Vasiliy Prozorov aytgandi.
Izoh (0)