Ukraina Mudofaa vazirligining Bosh razvedka boshqarmasi boshlig‘i Kirill Budanov Rossiya-Ukraina urushi uzoq vaqt davom etishi mumkinligi, chunki ruslar Kiyev va ittifoqchilar koalitsiyasi bilan hech qanday shartnoma imzolamasligini aytdi. Bu haqda New Voice xabar berdi.
Budanovning so‘zlariga ko‘ra, urush cho‘zilsa, Rossiya Ukraina hududini o‘qqa tutishda davom etadi, ammo kuchli harbiy operatsiyalarni o‘tkazmaydi. Budanov e’tiborni tarixda davlatlar o‘rtasidagi uzoq yillik urushlar hech qachon qonuniy ravishda tugamagan holatlar borligiga qaratdi. Masalan, Rossiya va Yaponiya 1945-yildan keyin Shimoliy orollar (Rossiya Kuril orollari deb ataydi) bo‘yicha tinchlik shartnomasini imzolamagan.
“Bu hududiy muammo 70 yildan oshgan. Shu sababli bunday ssenariy hozirgi vaziyatda ham bo‘lishi mumkin, chunki Rossiyaning Ukrainaga nisbatan hududiy ishtahasi bor, bu nafaqat Qrimga tegishli. Albatta, bu ishtahani hech kim qondira olmaydi”, — dedi Ukraina razvedksi boshlig‘i.
Izoh (0)