Samarqand viloyatining Samarqand tumanida sodir bo‘lgan YTH oqibatida 14 yoshli qiz vafot etdi.
Viloyat Yo‘l harakati xavfsizligi boshqarmasi matbuot xizmatining ma’lum qilishicha, YTH M39 avtomobil yo‘lida “Jiguli” va Spark avtomobillari ishtirokida sodir bo‘lgan. “VAZ 2107” haydovchisi yo‘lda qayrilish mumkin bo‘lmagan joydan qayrilib olayotganida Spark yo‘liga chiqib ketib, to‘qnashgan.
Oqibatda “Jiguli” haydovchisining 2010-yilda tug‘ilgan farzandi og‘ir tan jarohati olgan va shifoxonaga yotqizilgan. Biroq ko‘rsatilgan muolajalarga qaramay qizcha vafot etgan.
Bundan avval Samarqandning Paxtachi tumanida uchta avtomobil va avtobus ishtirokida YTH sodir bo‘lgani, Ishtixon tumanida Lacetti urib yuborgan mototsikldagi ota va uning 13 yashar qizi halok bo‘lgani haqida xabar berilgan edi.
Izoh (0)