Jizzax viloyatining Sharof Rashidov tumanida 3-sentyabr kuni yo‘l-transport hodisasi sodir bo‘ldi. Bu haqda viloyat IIB Yo‘l harakati xavfsizligi boshqarmasi axborot xizmati xabar berdi.
Maʼlum qilinishicha, Zomin—Jizzax yo‘nalishida harakatlangan Nexia haydovchisi tezlikni meʼyordan oshirgan va quvib o‘tish qoidalarini buzib qarama-qarshi yo‘nalishga chiqqan. Shunda, Nexia o‘z yo‘lida harakatlanib kelayotgan Lacetti bilan to‘qnashgan.
Oqibatda Nexia’ning 42 yoshli haydovchisi og‘ir tan jarohatlari olib voqea joyida, uning 66 yoshli yo‘lovchisi esa shifoxonada vafot etgan. Hodisa yuzasidan Sharof Rashidov tumani IIB tomonidan tergovga qadar tekshiruv harakatlari olib borilmoqda.
Izoh (0)