YI Ukrainaga AQSH ishtirokisiz 40 mlrd yevro miqdorida kredit berishga tayyor — FT

YI joriy yil oxirigacha Ukrainaga AQSH ishtirokidan qatʼi nazar 40 milliard yevrogacha yangi kreditlar berishga tayyorlanmoqda.

Financial Times (FT) manbalariga ko‘ra, YI Vengriya AQSHning Yevropadagi Rossiya aktivlarini muzlatish to‘g‘risidagi kafolatiga veto qo‘ygan taqdirda muqobil variantni qidirmoqda.

AQSH bilan qo‘shma yordam rejasi asosiy bo‘lib qolsa-da, 2024-yilning oxirigacha Ukrainaga YIdan 40 milliard yevro miqdorida kredit berish varianti ko‘rib chiqilmoqda.

FT’ga ko‘ra, Vengriya vakili Yevropa ittifoqining Bryusseldagi elchilariga bu masalani AQSHdagi saylovlardan keyin hal qilish kerakligini aytgan. Taxminlarga ko‘ra, 40 milliard yevro miqdoridagi kredit mavjud yordamni kengaytirish sifatida ko‘rib chiqiladi. Shu munosabat bilan qaror qabul qilish uchun bir ovozdan ma’qullash emas, balki Yevropa ittifoqiga aʼzo davlatlarning ko‘pchilik ovozi kerak bo‘ladi.

Iyun oyida G7 yetakchilari Ukrainaga 50 milliard dollarlik kredit ajratishga kelishib olgan edi, bu kredit Rossiyaning muzlatilgan aktivlari hisobidan qaytariladi. Taxminlarga ko‘ra, AQSH hamda YI har biri 20 milliard dollardan beradi, qolgan 10 milliard dollar esa Buyuk Britaniya, Yaponiya va Kanada tomonidan taqsimlanishi kutilmoqda. Shu bilan birga, Qo‘shma Shtatlar Rossiya aktivlari Yevropada muzlatilishi uchun kafolat talab qilmoqda.