Yevropa Ittifoqi Ukrainaning insoniy yo‘qotishlaridan manfaatdor emas, deya fikr bildirgan Yevroparlament a’zosi Mik Uolles, YI rahbarining Kiyevga navbatdagi yordam paketini ajratish qaroriga javoban.
“Yevropa Ittifoqi bu AQSH va NATOning ahmoqona proksi mojarosida halok bo‘layotgan yuz minglab ukrainaliklar haqida umuman qayg‘urmaydi”, deydi u.
Uning qo‘shimcha qilishicha, YI o‘zining harbiy sanoat kompleksini rivojlantirish bilan band. Deputatga ko‘ra, harbiy sanoat majmuasini kengaytirish va rivojlantirish YI uchun hatto o‘z fuqarolari haqida qayg‘urishdan ham muhimroq bo‘lib qolgan.
Avvalroq YI Kengashi Kiyevga “Ukrainaga moliyaviy yordam ko‘rsatish fondi”dan 4,2 milliard yevroga yaqin birinchi transh ajratish to‘g‘risidagi qarorni ma’qullagan edi.
“Yozma protsedurani yakunlab, bugun kengash Ukrainani qo‘llab-quvvatlash jamg‘armasi doirasida taxminan 4,2 milliard yevro miqdoridagi birinchi to‘lovni amalga oshirishga qaror qildi”, deyiladi bayonotda.
30-iyul kuni AQSH hukumati Ukraina uchun 1,7 milliard dollarlik yangi yordam paketini maʼqullagani xabar berilgandi.
Harbiy yordam Ukraina xavfsizligiga ko‘maklashish tashabbusi doirasidagi uzoq muddatli shartnomalar uchun 1,5 milliard dollar va Pentagon zaxiralaridan olingan 200 million dollarni o‘z ichiga oladi.
Izoh (0)