Londonning “Arsenal” klubi bosh murabbiyi Mikel Arteta klub bilan shartnomasini 3 yilga uzaytirdi. Bu haqda The New York Times nashri xabar berdi.
Qayd etilishicha, Mikel Artetaning avvalgi shartnomasi shu mavsum oxirida tugashi kerak edi, biroq har ikki tomon kelishuvga asosan shartnoma yana uch yilga uzaytirildi. Yangi shartnoma murabbiyga 2027-yilgacha “Arsenal”da ishlash imkonini beradi.
Ispaniyalik murabbiy 2019-yilda ingliz klubini qabul qilib olgandi.
“Arsenal” 2024—2025-yilgi mavsumda Angliya Premyer Ligasi turnir jadvalida to‘rtinchi o‘rinni egallab turibdi. Jamoa uchta o‘yindan yetti ochko to‘pladi. Turnir peshqadami “Manchester Siti” 9 ochko bilan birinchi o‘rinda bormoqda.
Keyingi turda “Arsenal” 15-sentyabr kuni “Tottenhem”ga qarshi bahs olib boradi.
Izoh (0)