Qashqadaryo viloyati markazi Qarshi shahrida XVII yozgi Paralimpiya o‘yinlarida qatnashgan mahalliy sportchilarni kutib olish marosimi bo‘lib o‘tdi. Viloyat hokimi sovrindor sportchilarga xonadon sovg‘a qildi.
-BPfkwU0G.jpg)
Parij Paralimpiya o‘yinlarida qatnashgan qashqadaryolik para yengil atletikachi Asila Mirzayorova Paralimpiya rekordini yangilab oltin medalni, para dzyudo musobaqasida qatnashgan Dovurxon Karomatov bronza medalini qo‘lga kiritgan edi.
Qashqadaryo viloyati hokimi Murodjon Azimov sportchilarga ko‘p qavatli uydan (2 xonali) xonadon sovg‘a qildi.
-ZGWKXgRF.jpg)
Ma’lumot uchun, ushbu sportchilar prezident tomonidan tegishli sovg‘alarni ham qo‘lga kiritgan edi.
Xususan, Asila Mirzayorovaga 200 ming AQSH dollari, Tahoe avtomobili va Toshkent shahridan 2 qavatli kottej berilgan bo‘lsa, Dovurxon Karomatovga 50 ming AQSH dollari, BYD Song Plus DM-i Champion avtomobili va Toshkent shahridan xonadon kalitlari topshirilgan edi.
Parijda o‘tkazilgan Paralimpiya o‘yinlari O‘zbekiston delegatsiyasi uchun muvaffaqiyatli yakunlandi. Ushbu musobaqada o‘zbekistonliklar 10 ta oltin, 9 ta kumush va 7 ta bronza medalini qo‘lga kiritib, umumjamoa hisobida 13-o‘rinni egalladi.
Izoh (0)