O‘qish maqsadida chet elga ketgan O‘zbekiston fuqarolari soni ochiqlandi

O‘qish maqsadida chet elga ketgan O‘zbekiston fuqarolari soni ma’lum qilindi. 

Statistika agentligi ma’lumotiga ko‘ra, 2024-yilning yanvar-iyul oylarida jami 21,7 ming nafar O‘zbekiston fuqarolari o‘qish maqsadida chet elga borgan. Joriy yilning yanvar-iyul oylarida o‘qish maqsadida chet elga ketgan O‘zbekiston fuqarolari mamlakatlar bo‘yicha quyidagicha:

• Tojikiston — 10 497 nafar; 
• Rossiya — 3 891 nafar; 
• Qirg‘iz Respublikasi — 2 211 nafar;
• Turkiya — 1 240 nafar;
• Janubiy Koreya — 1 063 nafar;
• Qozog‘iston — 874 nafar;
• Buyuk Britaniya — 423 nafar;
• Xitoy — 337 nafar;
• Germaniya — 209 nafar;
• AQSH — 192 nafar;
• boshqa davlatlar — 720 nafar.

Bugungi kunda o‘zbekistonlik 110 ming nafar o‘g‘il-qizlar xorijda tahsil olmoqda. “El-yurt umidi” jamg‘armasi orqali yetti yilda AQSHning “Pechak ligasi”ga kiruvchi Garvard, Yel, Kolumbiya, Stenford kabi top 8 ta, Buyuk Britaniyanining “Rassell guruhi”dagi Oksford, Kembridj, Birmingem kabi 24 ta oliygohni 50 nafar yoshlar bitirdi. Bu nufuzli oliygohlarda o‘qiyotgan yoshlar soni esa 200 dan oshdi.