Farg‘ona viloyati hokimi Xayrullo Bozorov Xitoyning qurilish, energetika sohasi bo‘yicha faoliyat olib boruvchi Xinjiang Bai Yi Da Construction Investment Co.,Ltd kompaniyasining vakillarini qabul qildi. Bu haqda viloyat hokimligi matbuot xizmati xabar berdi.
Maʼlum qilinishicha, xitoylik investorlar bilan avvalgi uchrashuvda qurilish, energetika, issiqlik, suv taʼminoti va isitish tizimlari bo‘yicha Farg‘onada amalga oshirilishi rejalashtirilayotgan investitsion loyihalar xususida taqdimotlar o‘tkazilgandi. Bugungi muloqotda energetika sohasidagi yangi loyihalarni boshlash masalasi muhokama etildi.
Xitoylik investorlarning misni qayta ishlash va mis kabellarini ishlab chiqarish loyihasini qo‘llab-quvvatlashini, buning uchun zarur infratuzilmaga ega bo‘lgan sanoat zonalari borligini bildirdi.
Xitoylik ishbilarmonlar uchrashuvda viloyatimizning investitsion salohiyati bilan tanishib, bir qator yo‘nalishlarda hamkorlikka tayyor ekanligini taʼkidlashdi. Dastlabki bosqichda 40 mln dollarlik energetika sohasida yirik loyiha - mis kabellarini ishlab chiqarishni tashkil etishni maʼlum qildilar. Loyiha natijasida yiliga 100 ming tonna mis qayta ishlanadi, ichki ehtiyoj qoplanadi, mahsulotlar eksporti yo‘lga qo‘yiladi. 500 ta yangi ish o‘rni yaratilishi rejalashtirilgan.
Viloyat hokimi mazkur loyihani amalga oshirish uchun investorlarga zarur ko‘mak berilishini aytib, dastlabki jarayonni boshlash bo‘yicha o‘z takliflarini bildirdi.
Xayrullo Bozorov, shuningdek, Xitoyning Baishan Zhongtian Development kompaniyasi rahbari Vey Xen Shen bilan ham uchrashuv o‘tkazdi.
Uchrashuvda Farg‘ona shahrida amalga oshirish rejalashtirilayotgan loyiha qiymati 50 mln dollar bo‘lgan yirik investitsion loyiha – biznes-markaz, 5 yulduzli mehmonxona va savdo majmuasi qurish loyihasi muhokama qilindi.
Loyiha bo‘yicha amalga oshiriladigan ishlarni jadallashtirish masalalari kelishib olindi.
Izoh (0)