Armanistonda G‘arbiy Nil bezgagi bilan kasallanish bo‘yicha 108 ta holat qayd etildi

Armanistonda G‘arbiy Nil bezgagi bilan kasallanish bo‘yicha 108 ta holat qayd etildi. Bu mamlakat Sog‘liqni saqlash vazirligini xavotirga solmoqda.

 Armaniston sog‘liqni saqlash vaziri Anaxit Avanesyan brifingda vaziyat xavotirli ekanini ma’lum qildi.

U kasallanish aniq qaysi hududlarda aniqlangani bo‘yicha batafsil izoh bermadi. Faqatgina kasallilkning asosiy tashuvchilari bo‘lgan chivinlar Ararat va Armavir viloyatlarida eng ko‘p ekanligini ta’kidlab o‘tdi.

Anaxit Avanesyanning so‘zlariga ko‘ra, infeksiya tarqalish intensivligining pasayish darajasi hali yetarli emas va bir oy ichida faol profilaktika ishlari olib borilishi kerak.

G‘arbiy Nil bezgagi (G‘arbiy Nil ensefaliti) — chivinlar orqali yuqadigan o‘tkir yuqumli (virusli) kasallik bo‘lib, poliadenit, teri toshmasi va miya qobig‘ining seroz yallig‘lanishi, ba’zan meningoensefalit bilan kechadi. Insonning markaziy asab tizimini shikastlashi bilan tavsiflanadi.