Kiyevda kadrlar o‘zgarishiga bir necha oy tayyorgarlik ko‘rildi hamda Ukrainadagi G‘arb diplomatlari bundan xabardor bo‘lgan, deb yozadi Financial Times.
“O‘zgarishlarga bir necha oy davomida tayyorgarlik ko‘rilayotgan edi. Bu Ukraina siyosiy elitasi va Kiyevdagi G‘arb diplomatlari uchun kutilmagan voqea bo‘lmadi”, deyiladi xabarda.
Manbalarga ko‘ra, o‘zgartirishlar, xususan, Ukraina Vazirlar mahkamasidagi (VM) kam ovozlar muammosini hal qilishga qaratilgan. Ayni paytda VM besh nafar vazir vazifasini bajaruvchidan iborat bo‘lib, ular idora rahbarlari qaror qabul qilganda ovoz berish huquqiga ega emas.
Bir kun avval Vladimir Zelenskiy o‘z idorasi rahbari o‘rinbosari Rostislav Shurmani ishdan bo‘shatgan edi. Ukraina adliya vaziri Denis Malyuska, strategik sanoat vaziri Aleksandr Kamishin, atrof-muhitni muhofaza qilish vazirligi rahbari Ruslan Strelets, TIV rahbari Dmitriy Kuleba, shuningdek, bosh vazirning Yevropa va Yevroatlantika integratsiyasi bo‘yicha o‘rinbosari Olga Stefanishina ham iste’foga chiqish uchun ariza bergan. Bosh vazir o‘rinbosari va reintegratsiya vaziri Irina Vereshchuk ham iste’foga chiqish niyatini ma’lum qilgan.
Hukumatdagi o‘zgarishlar
“Xalq xizmatkori” fraksiyasi rahbari David Araxamiya bu hafta “hukumatni qayta tiklash” bo‘lib o‘tishini aytdi. Bu esa Vazirlar mahkamasi xodimlarining 50 foizdan ortig‘iga ta’sir qiladi. 3-sentyabr kuni Zelenskiy prezident ofisi rahbari o‘rinbosari Rostislav Shurmani ishdan bo‘shatdi. Xalq deputati Yaroslav Jeleznyakning aytishicha, bu qaror hamkorlarning pozitsiyasi va ochiq korrupsiya tufayli qabul qilingan.
Izoh (0)