Ukraina prezidenti Vladimir Zelenskiy 26-avgust kuni huquqni muhofaza qilish organlari va bir qator tuzilmalar rahbarlari bilan shoshilinch yig‘ilish o‘tkazadi.
![](/static/2024/08/26/photo_2024-08-26_10-07-40-pYoqEWyY.jpg)
Mazkur yig‘ilish xoinlar va ularning Ukrainadan qochishiga bag‘ishlanadi.
Davlatga qarshi faoliyat yuritayotgan shaxslar haqida gapiradigan bo‘lsak: Rossiya tajovuziga ko‘maklashgan yoki uni oqlagan Ukraina xoinlari, javobgarlikdan qochib, Ukrainadan chiqib ketganlar. Davlat bunday shaxslar bo‘yicha aniq javoblar olishi zarur, deya ta’kidladi Zelenskiy.
Ukraina prezidenti ularning barchasi, qayerga yashirinmasin yoki qayerga qochmasin, o‘zlariga munosib jazoni olishlari shartligini aytdi.
Zelenskiy huquqni muhofaza qiluvchi organlar, jumladan, Xavfsizlik xizmati, Ichki ishlar vazirligi va Davlat tergov byurosi rahbarlari ishtirokida majlis o‘tkazishni belgilagan. Shuningdek, unda Korrupsiyaga qarshi kurash milliy byurosi va Maxsus prokuratura boshliqlari, Davlat chegarani qo‘riqlash xizmati raisi, bosh prokuror hamda razvedka vakillari ham ishtirok etadi.
“Ushbu uchrashuvda ko‘p narsalarni muhokama qilish va xulosalar chiqarish kerak”, dedi siyosatchi.
Ma’lumot o‘rnida, xalq deputati Artyom Dmitruk 24-avgust kuni Moldovada ko‘rinish berdi. U chegarani noqonuniy kesib o‘tgani haqida ariza yozgan.
Izoh (0)