Amerika Qo'shma Shtatlari Tayvan bilan birgalikda qurol ishlab chiqarish loyihalarida ishtirok etish imkoniyatini ko‘rib chiqmoqda.
Bu haqda Amerika institutining Tayvandagi vakolatxonasi direktori Reymond Grin bayonot berdi.
“AQSH hozirda bir qator hamkorlar bilan harbiy texnika ishlab chiqarishni kengaytirish imkoniyatlarini ko'rib chiqmoqda. Tayvan kelajakda ushbu sheriklardan biriga aylanishini istisno qilmayman”, — dedi diplomat matbuot anjumanida.
Grinning qo‘shimcha qilishicha, Tayvanga qurol yetkazib berish Amerika maʼmuriyatining ustuvor yo‘nalishlaridan biridir. Diplomat, shuningdek, Qo'shma Shtatlar Osiyo-Tinch okeani mintaqasida "tiyib turish qobiliyatini" mustahkamlash uchun ittifoqlar tarmog'ini barpo qilayotganini aytdi.
AQSHning Tayvanga qurol-yarog‘ yetkazib berish bo‘yicha kelishuvi taxminan 19 milliard dollarni tashkil etadi. Xitoy Tashqi ishlar vazirligi ma'lumotlariga ko'ra, bir necha yil davomida AQShning Tayvanga harbiy ta'minotining umumiy miqdori 70 milliard dollardan oshgan.
12-iyul kuni Xitoy Tayvanga qurol eksporti sababli AQSHning qator kompaniyalari va rasmiylariga sanksiyalar kiritgani xabar berilgandi.
Sanksiyaga uchragan kompaniyalar rahbarlari va harbiy byudjet uchun masʼul bo‘lgan AQSHning qator oliy vakillari Xitoy qora ro‘yxatiga tushgan. Ularga Xitoy hududiga kirish, hisobraqamlar ochish taqiqlangan.
Izoh (0)