Toshkent shahrining ikki tumani Bektemir va Yunusobodda bir kun davomida ichimlik suvi vaqtincha to‘xtatiladi. Bu haqda “Toshkent shahar suv taʼminoti” xabar berdi.
Unga ko‘ra, 2024-yil kuz-qish mavsumiga tayyorgarlik bo‘yicha katta hajmli suvo‘tkazgich tarmoqlarida rejali profilaktika-taʼmirlash ishlari olib borilishi munosabati bilan 5-sentyabr soat 09:00 dan 6-sentyabr 21:00 ga qadar ichimlik suv bosimi pasayishi kuzatiladi hamda quyidagi hududlarda vaqtincha bo‘lmaydi.
- Bektemir tumani bo‘yicha: “Mirishkor”, “Rohat”, “Majnuntol”, “Zilola”, “Iqbol”, “Chashma”, “Iyk ota”, “Abay”, “Gulbog‘”, “Husayn Boyqaro”, “Bektemir”, “Oltintopgan”, “Sohil”, “Musaffo” mahallalari hamda “Vodnik” issiqlik markazida;
- Yunusobod tumani bo‘yicha: “Islomobod”, “Hasanboy”, “Sharq haqiqati” mahallalarida.
Avvalroq 2024-yil kuz-qish mavsumiga tayyorgarlik bo‘yicha katta hajmli suvo‘tkazgich tarmoqlarida rejali profilaktika-taʼmirlash ishlari olib borilishi munosabati bilan “Toshkent shahar suv taʼminoti” isteʼmolchilarga 5-sentyabrdan 3-oktyabrgacha Toshkentda sovuq suv navbatma-navbat vaqtincha bo‘lmasligi haqida maʼlum qilgandi.
Izoh (0)